الأربعاء، 5 نوفمبر 2008

مرتاح....؟؟


من الاسئله الصعبه اوى
اللى ممكن نتسالها فى حياتنا
انت مرتاح...؟؟
ولو دورنا على معنى الراحه اللى بجد
حنلاقى نفسنا مش مرتاحين بالمرة
فكرت بينى وبين نفسى قولت ازاى ابقى
مرتاحه _يبقى عندى فلوس كتير_
ابقى بنت رجل اعمال مشهور لقيت اللى عندهم
فلوس كتير مش مرتاحين ورجال الاعمال اصل التعب
امتى لما حد يسالك انت مرتاح ....؟
تقوله اه مرتاح وانت من جواك واثق انك مرتاح.
بس للاسف مش فى حد مرتاح لان لو حد مرتاح
محدش حيسال السؤال دة اصلا...

هناك 35 تعليقًا:

HeBa يقول...

أنتي قلتيها

لو مرتاح مش هسأل أصلا

وغالبا بيتهيألي مفيش حد مرتاح

لازم هتكون فيه حاجة تقلقه

حاجة مش راضي عنها .. حاجة عايز يحققها

قلقان على حد

محدش بيبقى مرتاح ميه الميه

وفيه ناس بتخلق لنفسها التعب حتى لو معندهموش مشكلة بيخلقوا لنفسهم واحدة تقلقهم وتقل راحتها

تقبلي مروري

Unknown يقول...

ايتها الرقيقة الحزينه جدا .. المتالمة بين السطور .. نعم ارى تلك الندبات تقتلك وتلك الاساطير والحكايات القديمة تبعثر اوراقك وينهشك التفكير الف مرة ومرة .. وتتجمد الدموع قاسية كمطر اسود اعتلى قلبك المسكين

الراحة ايتها الجميلة ليست فى مال ليست فى الى من ننسب والى من ماهيتنا تعود ؟؟!! لا ايتها الرقيقة .. الرضا فى ان نكون نحن كما نريد .. ان نرسم الابتسامه على الوجه الذى امتلا تجاعيد من عبق الحزن العميق
الراحه ان نرضى عما نكون .. افعلى كل شىء باقتناع بين الحواجز الشوكية .. ستجدين البسمة .. كونى حواء رغم آدم الظالم .. لا تبحثى بعيدا فالرضا داخلك .. لكنه فى جزء مظلم جدا خائف ترتعش مسامه وتضيع انفاسه .. فحاولى بخفة ان تحمليه اليكِ

لكِ منى وردة رضا وراحه ومعها :)

من بعيد .. بكتبلك

أمل حمدي يقول...

حزينة

الراحة والسعادة رزق من عند صاحب

الراحة

وبيتهيألي ان رزقنا وقف لحد كدا

احنا منغصين بذنوبنا وتخاذلنا

كيف نرتاح ونسعد والدماء تنزف

والبطون جائعة والاجساد باردة

كيف ؟

الله المستعان يفرج الغمة ويهدي النفوس

حزينه يقول...

اهلا
هبه
لو مرتاح مش حسال اصلا
عندك حق
بس اللى بيخلقوا لنفسهم حاجه
تتعبهم دول اقولهم حرام بجد دى الراحه دى نعمه


حزينه اوى

حزينه يقول...

البحث عن انا شىء جنونى
نورتنى
الراحه بجد انى الاقى نفسى واتصرف بانا مش بغيرى
شكرا


حزينه اوى

حزينه يقول...

ماما اموله
الراحه اللى بجد ان الانسان يكون مؤمن وتصل درجه
ايمانه لزهد الحياه
نورتينى اوى


حزينه اوى

wanna b a physician يقول...

حزينة الاجابة سهله جدا انه مش ينفع نكون مرتاحين راحة كاملة او سعدا سعادة كاملة والا ازاى تبقى طمعانه فى جنة الخلد وطمعانه فى رحمه ربنا لان هناك الراحة اللى بجد ولو كانت الدنيا راحة كاملة يبقى ايه لزمة ان يكون فيه نعيم للمحسنين فى الاخرة ولو مش هتختلف
تحياتى

رئيس جمهوريه نفسى يقول...

مفيش راحة فى اقتراب من الراحة ممكن تكون الراحة لحظع فى قرب حد بنحبة ممكن تكون لحظة سعادة واحنا بنعمل حاجة بنعملها بس الراحة الكاملة محدش بيوصل ليها ابدا لانها احساس وقتى محكوم بلحظة معينة

blue-wave يقول...

الراحه فى رضاء الله فقط
ولا راحة فى الدنيا
تحياتى

حزينه يقول...

wanna b a physician
الراحه الكامله بجد بجوار الله ورسوله
وفى نعيم جنه الفردوس
صحيح
اللهم اجعلنا من من ينعم بها


حزينه

حزينه يقول...

رئيس جمهوريه نفسى
يعنى لو سالتك مرتاح حتقولى ارتحت لحظه من عمرى وبس
ولا حتقولى مش مرتاح


حزينه

حزينه يقول...

بلو ويف
لا اله الا الله
صدقت
نورتنى


حزينه

Unknown يقول...

الراحه في راحة الضمير وخلو البال

تعرفي حد بالي خالي؟؟؟؟

حزينه يقول...

اسراء
ازيك وحشانى
لا طبعا لو اعرف حد باله خالى حفضل جنبه طول العمر


حزينه

أسير الجراح يقول...

مين فى الدنيا اساسا
مرتاح

فعلا سؤال جميل جدا

بس اكيد بردو فى ناس مش عندها مشاكل


وا ممكن الانسان يريح نفسة بنفسة


وصدقينى الفلوس دى ملهاش قيمة


رغم ان فى ناس بدور عليها


بطريقة غبية جدا


انا نفسى اتكلم

بس مش قادر


وبجد بحيكى على السؤالالجميل

كل الود


اسير الجراح

صوت من مصر يقول...

مين مش بيحب الراحه ؟

صوت من مصر يقول...

مين مش بيحب الراحه ؟

حزينه يقول...

اسير الجراح
ياريت اقابل حد مش عندة مشاكل كنت فضلت جنبه على طوووول
وياريتنى بردة اقدر اريح نفسى بنفسى
ليه مش قادر هو احنا بادينا حاجه غير الكلام

نورتنى
حزينه

حزينه يقول...

صوت من مصر
كلنا طبعا بنحبها وعايزنها اوى

حزينه

صابر وراضى يقول...

وعليكم السلااااااااااام

طيب هى الدنيا فيها راحه؟
الانسان اما تخلص مرحله الطفوله
مش بيشوف تانى راحه ابدا

بس نوعا ما احيانا البال بيكون مرحتاح

حبيبه يقول...

مفيش حد مرتاح في الدنيا او ممكن نقول انه شئ نسبي مش مطلق يعني اللي انتي فاكراه مرتاح من وجهة نظرك ممكن يكون تعبان بس محدش يعرف لو دورتي وسالتي مش هتوصلي للاجابة اللي تريحك يعني برضه محدش مرتاح
تقبلي مروري

الفقير الى الله يقول...

السلام عليكم ورحمة الله وبركاته
سيدتي موضوعك جميل جدا
انا في راي احسن كلمه لما قال الصحابي
لو يعلم الاغنياء ما نحن فيه من سعاده لقاتلونا فيه بالسيوف
السعاده هنا معناها راحة البال

بس في نظري من اسباب الراحه الكفاف او القناعة نفس المعنى
وبيت الشعر ده انا بتخذه من القواعد الاساسية في حياتي وهو
النفس تجزع ان تكون فقيرة والفقر خير من غتى يطغيها وغنى النفوس هو الكفاف
فان ابت فجميع من في الارض لا يكفيها

تحياتي

son's egypt يقول...

السلام عليكم
انا الراحو من وجهة نظري اني اكون مرتاح البال
بكده اكون مرتاح

حزينه يقول...

صابر وراضى
لا والله دا يمكن الطفوله بيبقى فيها وجع قلب
ياريتنا كلنا مرتاحين


حزينه

حزينه يقول...

حبيبه
نورتى صفحتى
فعلا فى ناس كتيير بيبقوا لابسين ماسك الراحه بس فى الاصل تعبانين
مش فى حد مرتاااااح


حزينه

حزينه يقول...

الفقير الى الله
كلامك حلو اوى بجد فى كتير من الاغنياء يتمنوا لحظه من الفقير بيكون فيها مرتاح البال

نورتنى


حزينه

حزينه يقول...

ابن مصر
ايوا نجيبها منين بقى راحه البال دى
ياريتها عندنا


حزينه

romansy يقول...

علشان تكون مرتاح البال
لازم تخلى ضميرك فايق
عارف انك حالك حال
وتبقى دايما على طول رايق
بس تكون مرتاح البال
تعرف امتى تساعد قلب
تعرف امتى تكبر حب
تبقى كده مرتاح البال

حزينه يقول...

ايه الكلام الجميل دة
كلامك نور المدونه
ياريت كل اللى بتقوله
يبقى فى الناس كلها


حزينه

nona يقول...

و هلى احد يعرف معنى الراحة
فيوجد راحة الضمير و راحة العيش و راحة فى الحب و اشياء كثيرة
ولكنى اعتبر اننا لو رضينا بحالنا و اقتربنا من رب العباد هنحس براحة و سعادة اكيدة

Ahmed Hishmat يقول...

نرتاح..
نرتاح من ايه ؟
هو احنا تعبنا عشان نرتاح ؟
سيدناايوب صبر على البلاء سنوات طوال
سيدنا يوسف ظل في سجنه سنوات عجاف
احنا المفروض ندور على التعب مش الراحة !!
لأن احنا مشفناش تعب لسه
الدنيا زي الحاوي ياما لسه في جرابها كتير ..
..............
وجهة نظر ...!

حزينه يقول...

نونا
القرب من الله هى اكتر حاجه
تريح القلب وتصبر النفس

نورتنيى

حزينه

حزينه يقول...

احمد حشمت
اكيد يااخى احنا بالنسبه
ليهم ولا حاجه
ياريتنا ننول نص اللى نالوة
ونكون زيهم عند ربنا
منطق


حزينه

Abo 7anf يقول...

السلام عليكم
اولا شكرا لزيارتك عندى
بالنسبه للراحه
طول منتى بتدورى عليها تبقى مش هتلقيها
لانها شء كبير
بس لو سلمنا ان اى حاجه بتصيبنا تبقى خير لينا وان ربنا عايز الخير
هنرتاح جامد

حزينه يقول...

ابو حنف
لا شكر على واجب
نورتنى
الراحه لما تدورى عليها مش حتلاقيها
صدقت

حزينه