السبت، 18 ديسمبر، 2010

الجرح..

مين فينا معندوش مشاكل
مين فينا معندوش جرح فى حياته
مين فينا مش بيتالم وبيتوجع
مفيش...!!
حاسه ان كل الناس تعبانه كل الناس بتقول اه
طاب مين مرتاح مين مش بيبكى
مين مش موجوع..؟؟
تعبت من نفسى وتعبت للناس
كل ما ابص فى عيون الناس فى الشارع
اشوف الم وهو وضيقه
مالكم بس..؟؟
يارب فرج كربهم وزيح عنده وراضيهم
وراضينى معاهم
وخلينى لما اشوفهم اشوف فى عيونهم ضحكه
يمكن اضحك معاهم وانسى اللى جارحنى...!!!

الجمعة، 3 ديسمبر، 2010

يارب

ياااااااااارب

الأحد، 21 نوفمبر، 2010

صوتى...

الانتخابات يوم 28 حنرشح مين وحندى صوتنا لمين
دى مش مهم المهم بقى الخبر اللى سمعته عن
مرشحه فى مدينه اسوان حجزت قاعه سينما
كامله واعطت الدعوات تبعها لمؤيدنها
بيقولوا دى دعايه انتخابيه يعنى اللى
كانوا بيدوا الناس فلوس بقى
دى تعتبر برده دعايه انتخابيه
ولا ايه...؟؟
والاخوان غيروا شعارهم من الاسلام هو الحل
الى معا للاصلاح
يعنى بيحاولوا يرضوا كل الاطراف
مش عارفه مين الصح وفد ولا وطنى ولا اخوان
ولا مستقل
حنرشح وحندى صوتنا بس ياريت مش نندم على بكره

الاثنين، 15 نوفمبر، 2010

عيد الاضحى

كل سنه وانتم طيبين
عيد سعيد عليكم

الجمعة، 5 نوفمبر، 2010

نسيت


الحمد لله على نعمه النسيان
ساعت كتير بحمد ربنا على نعمه
النسيان ليا ولغيرى الحمد لله انى بنسى
حاجات كتير تعبتنى وخوفتنى وعذبتى وجرحتنى
والحمد لله ان الناس بتنسى القاسيه بتاعتى وعمايلى السوده
فيهم...لما بنسى بنسى ان جرحت ناس كتير ولما بينسوا بينسوا انى
جرحتهم كتير..لما بنسى بنسى الدموع ولما بينسوا بينسوا سبب الدموع
ضايقت ناس كتير وندمانه اوى وبتمنى ليهم نعمه النسيان ونعمه العفو..ربنا
كريم اوى بجد خلق حاجات كتير بتداوى حاجا اكتر يارب اجعلنى ممن امسح الدموع
ولا انزلها...
الحمد لله ان انتوا بتنسوا


السبت، 30 أكتوبر، 2010

يااااارب

وبكره تفرج بعد ما ضاقت علينا...

الخميس، 2 سبتمبر، 2010

يااااارب

يارب هون علينا دنيتنا
وفرج كربنا
وكن معنا
وساعدنا
فنحن فى امس الحاجه اليك

الثلاثاء، 20 يوليو، 2010

نفسى...!!


نفسى اشيل الدمع عنك

نفسى افرح يوم عشانك

يا...

امى

الجمعة، 2 يوليو، 2010

كيف...؟؟




كيف لى ان اظلم بهذة القوة...؟؟

كيف لى ان اجرح بهذا الصمد..؟

اجرح البشر واظلم الناس ولا يتحرك لى رمش فمن انا...؟؟

واين الحنيه منى..؟؟

ادوس على جرح البشر وافرح لجرحهم

ولا اتمنى الخير كيف لا اعلم متى لا ادرى لكنى هكذا .......

اتكلم بكل صراحه كأنى بلا قلب كأنى ليه انا بالفعل بلا قلب

السبت، 19 يونيو، 2010

لــــــــــــيه....؟




هو التحدى على مين بالظبط.....؟؟؟!!!!


القاهرة: يشهد اليوم السبت، وقوف الدكتور أحمد زكى بدر وزير التعليم المصرى أمام مجلس الشعب" البرلمان "


، للرد على طلبات الإحاطة التى قدمها عدد كبير من أعضاء البرلمان بسبب صعوبة الامتحانات هذا العام.


كما يخوض اليوم السبت، طلاب المرحلة الأولى من الثانوية العامة امتحان مادة الجبر "الرياضيات 1" ،


وذلك وسط حالة من "الخوف والترقب" بعد أسبوع امتحانات صعب،


واعتراضات كثيرة على سياسة وزير التربية والتعليم فى أول امتحانات ثانوية عامة له .


وكان الأسبوع الأول للامتحانات قد اختتم أمس الأول الخميس،


بامتحان مادة التفاضل وحساب المثلثات، الذى وصفه الطلاب بـ"المجزرة".


ولا تزال ردود أفعال أولياء الأور مستمرة بسبب صعوبة الامتحانات على أبنائهم خاصة بعد امتحان أمس الأول،


واتفق أولياء الأمور والمدرسون والخبراء على الاعتراض على سياسة بدر،


وتوليه زمام الأمور فى وزارته دون وجود مسئولين يستطيعون حل "مشاكل" وزارته،


فى ظل عقد أهم امتحانات السنة الدراسية على الإطلاق.


ونقلت جريدة "المصري اليوم" عن الدكتور كمال مغيث الخبير التربوى قوله


:" إن الوزير بدر يتحمل جزءاً كبيراً من الأخطاء والبلبلة التى حدثت هذا العام أثناء الامتحانات " ،


مشيراً إلى أن العمل لا يتم فجأة ولكن يجب أن يكون هناك نظام لهذا العمل لنصل إلى الأهداف المرجوة.


وأضاف مغيث :" الوزير جعل أولياء الأور متوجسين من الامتحانات ولا تدار الأمور هكذا "،


مشيراً إلى أنه كان يمكن العودة بالامتحانات والمناهج كما كانت فى الستينيات حتى التسعينيات من القرن الماضى،


مؤكداً "أن العمل المفاجئ لا يأتى بنتيجة".


وكانت مئات الطالبات قد تعرضن للإغماء وفقدان التوازن،


ونقلت سيارات الإسعاف عدداً منهن إلى المستشفيات،


فيما وقفت زميلاتهن يصرخن ويبكين بشكل "هستيرى" على أبواب المدارس فى مختلف المحافظات،


وفتح عدد من أولياء الأمور باب مدرسة المنيرة الإعدادية بالقوة بعدما قررت إدارة المدرسة إغلاقه وتأجيل خروج الطالبات إلى الشارع بسبب حالة الانهيار التي عانين منها،


إلا أن أولياء الأمور فتحوا الباب عنوة عندما سمعوا صراخ بناتهم من الداخل.


وقال مدرسو رياضيات إن الامتحان جاء غير متوقع بالمرة،


وأكثر صعوبة من العامين الماضيين، مشيرين إلى أنه من الناحية العلمية يعد امتحاناً جيداً ويعتمد على التفكير،


ولكن الـ"سيستم" المعمول به في الدراسة لا يسمح بهذا،


وتوقعوا ألا يحصل الطالب الممتاز على أكثر من 21 درجة من 25.

السبت، 12 يونيو، 2010

قدرنى....!!!



يارب قدرنى على انى اصلى صلاه الفجر كل يوم يارب...!!

الجمعة، 21 مايو، 2010

استعجلت...!!

استعجلت الرحيل ..
ورحلت في غير أوانك هنا خطوط أيديك ..
صمتك .. صدى صوتك ..
عنفوانك هنا ضحكت ..
هنا بكيت..
هنا على صدري غفيت
هنا تصاويرك على حايط البيت
ده مقطع من اغنيه لكاظم
بس ساعات بحس ان الاغنيه دى حياتنا
حاجات كتير فى حياتنا بتمشى من غير ميعاد
وبتروح ومش بترجع تانى ايام طفولتنا بعدت عنا
اوى وايام المدرسه وكما ايام الكليه راحت من غير ميعاد
بنفتكرها وبنبكى عليها اوى وكمان فى ناس بتروح من غير ميعاد
برده وبيوجعنا فراقهم اوى بنفتكرهم وبنفتكر صوتهم وضحكتهم وبنتالم
لفراقهم...وبنرجع نعيش تانى وتمر بينا لحظات تروح ونتوحشها ويمر بينا
ناس ويغيبوا ونتمنى شوفتهم....!!! دنيا قاسيه اوى

الاثنين، 26 أبريل، 2010

يا الله...




انظر إلى رحمة الله بك

واستحى منهانظر إلى رحمة الله بك لتتعلم الحياء

، وانظر إلى لطفه بك وحرصه عليك

، يقول الله فى الحديث القدسى

: " إنى والإنس والجن فى نبأ عظيم
، أخلق ويعبد غيرى ،
أرزق ويشكر سواى ،
خيرى إلى العباد نازل وشرهم إلىّ صاعد ،
أتودد إليهم بالنعم وأنا الغنى عنهم !
ويتبغضون إلىّ بالمعاصى وهم أفقر ما يكونون إلى ،
أهل ذكرى أهل مجالستى ،
من أراد أن يجالسنى فليذكرنى ،
أهل طاعتى أهل محبتى ،
أهل معصيتى لا أقنطهم من رحمتى ،
إن تابوا إلى فأنا حبيبهم ،
وإن أبوا فأنا طبيبهم ،
أبتليهم بالمصائب لأطهرهم من المعايب ،
من أتانى منهم تائباً تلقيته من بعيد،
ومن أعرض عنى ناديته من قريب ،
أقول له : أين تذهب؟ ألك رب سواى ،
الحسنة عندى بعشرة أمثالها وأزيد ،
والسيئة عندى بمثلها وأعفو ،
وعزتى وجلالى لو استغفرونى لغفرتها لهم

داريت الدمع والشكوى .... عن الدنيا اللي ما تسوى
ومين قال الحياة حلوة .... وفيها الظلم والقسوة
لمين اشكي ويسمعني ... لمين ابكي ويرحمني
العمر قضيته حزين مظلوم .... اخلص من هم ألاقي هموم
على دمعي أنام أقوم .... واقول ده نصيب وقدر مقسوم



الجمعة، 9 أبريل، 2010

اشمعنا الريس...؟؟



الف سلامه عليه
وحمد الله على سلامته
بس انا عايزه اسال سؤال
هو اشمعنا الريس لما يتعب
يروح المانيا ويتعالج ويرجع
يقضى فتره نقاهه فى شرم الشيخ
طيب ابويا وابوك واخـويا واخـوك
لما يتعبوا يروحوا فين مستشفى العام
طيب بلاش احنا يمكن احنا لما بنتعب
بنعرف نروح طيب الناس الغلابه الغلابه
اوى يعملوا ايه ويروحوا فين ويشفوا ازاى
مش لازم راعينا يتاكد الاول ان كلنا كويسين
ومش محتاجين طيب لما تعب اوى واتوجع اوى
ليه مش حس باللى بيعبوا اوى وبيتوجعوا اوى ليه
بجد كان نفسى اقوله حمدالله على السلامه اشمعنا انت
يروح منك الالم والغلابه لا مع ان باديك تساعدهم يا راعينا
اشمعنا انت تاخد فتره نقاهه فى شرم الشيخ واحــنا بنترمى فى
مستشفيات مش بنقول غير الاه وحسبى ربى عالم بحالى وحاسس بيا....!!!

الجمعة، 12 مارس، 2010

لسه...!!!


الجرح لسه واجعنى
اه لسه جرحى واجعنى
ولسه بتالم
ولسه مش قادره انسى
ولسه تعبانه
والله العظيم تعبانه

الأربعاء، 3 فبراير، 2010

انا اللى استاهل










انا اللي استاهل



كل اللي يجرى لي



الغالي بعته رخيص



ولا احسبوش غالي



يا ريت ما جافيته



ولا اسأت اليه



ولا بقيت في حال



تندم يا قلبي عليه



الفرحه اهي باتت



في قلب عزالى



انا اللي استاهل



كل اللي يجرى لي

الثلاثاء، 12 يناير، 2010

0900



كل يوم مسابقه شكل وفى الاخر لو عايز تكب اتصل بزيرو 900

مسابقات مستفزة بجد امثال وصور وارقام وحروف

بيسخفوا بعقول الناس ولا ايه والاكتر من كدة ان فى ناس للاسف بتتصل

وبتتجاوب معاهم وكنت بشوف كل دة وبسكت هيافه تلفزيون بس اللى نرفزنى

وعصبنى هى المسابقه بتاعت قوة الملاحظه بجد كنت قدام التلفزيون حتشل

هو فى هيافه اكتر من كدة مصر فيها بلاوى كتير اوى وبردة اتصل على زيرو زفت

ربنا يتولانا برحمته ومش نلاقى بكرة حد بيسالنى لو اسمك حزينه اتصلى بزيرو زفت واكسبى معانا....!!!!