الاثنين، 15 أغسطس، 2011

ليه

ليه دايما لما بنشتاق لحاجه مش بنلاقيها

ليه لما بنبكى مش بنلاقى اللى بيمسح لينا دموعنا

ليه لما بنصرخ اوى اوى مش بنلاقى اللى بيهدينا

بننجرح كل يوم وبنتالم كل يوم ولا حد حاسس

ليه الدنيا الم ليه مبقاش فى امل

ليه دايما مظلومين

ليه دايما مجروحين

ليه قلوبنا مكسورة ودموعنا مهدورة

ليه لما بنحكى بنشكى وبنبكى

راحت فين البسمه وراحت فين الضحكه

وفين ناس زمان وفين دنيا زمان

وفين ايام زمان

اتسرقت مننا ايامنا ولا احنا دارين

وراحت مننا ضحكتنا ولا احنا حاسين

اصل احنا بنحس بالجرح اوى وبيعلم فى قلوبنا اوى

اصل الفرح قليل

بننجرح كل يوم وبنتالم كل يوم

وبنبكى كل يوم

وعن الفرح احنا سالين

وللبسمه احنا مستنين

الاثنين، 11 يوليو، 2011

يارب

يارب وحدك العااااالم

السبت، 7 مايو، 2011

اعمل ايه

الدنيا عماله تيجى عليا اوى
ومش عارفه اعمل ايه تعبتنى
وبتتعبنى ومش عارفه ليه كده تعبت
زى ما يكون فى حلم لا حلم ايه ده كابوس
اتصدمت فى ناس كتير لكن انى اتصدم فيك انت
لا مش ينفع بس للاسف مش طلع حلم وفعلا طلعت زى ما بيقولوا
وانا الوحيده اللى مش كنت شايفه ولا واخده بالى ده مش فيلم السلم والتعبان
دى حقيقه اتصدمت ومش عارفه اعمل ايه...

الخميس، 21 أبريل، 2011

يارب

يااااااارب

الثلاثاء، 22 مارس، 2011

مصر


يا ترا قلنا نعم حيفيد
طيب اللى قالوا لا زعلوا
طيب ايه الخطوة التانيه
هى البلد دى بجد حالها حيتصلح
يعنى حنكون من الدول المتقدمه فى العلوم مثلا
مش عارفه بس بقول يارب يمكن اللى عندهم ستين سنه دلوقتى كانوا يتمنوا
انهم يعيشوا عشان يشوفوا مصر جديده
واحنا قاعدين وحنعمل عشان مصر تبقى جديده نضيفه
يا كل اللى شارك بنعم او لا
يكفى ان انتوا شاركتوا
ويا كل من قعد فى البيت
مصر بجد امانه ياريت تراعوها

الخميس، 17 فبراير، 2011

الخميس، 3 فبراير، 2011

شايفه يا مصر



شايفه يا مصر ولادكم عرفوا يتكلموا

عرفوا يعبروا فاض بيهم الكيل تعبوا ومرضوا واتخنقوا

بقى بيعرفوا يقولوا لا لا للتعب لا للجوع لا للمرض لا للعبوديه

لا للبطاله 30 سنه تعبانين اوى 30 سنه شايفين الذل ناس عاليه اوى

ومش شايفه اللى تحت وناس نازله اوى ومش شايفه حتى قدامها

لازم يمشى لازم يتحاكم لازم يعرف كان عامل فينا ايه

لازم يحس بالمستشفيات وبالجعانين وبينا لازم يحس بمصر

اللى رجعت لورا بعد ما كانت من احسن البلاد

سيبنا نلم جروحنا ونعيد تانى امشى وحسبى الله ونعم الوكيل

الجمعة، 14 يناير، 2011

مش عارفه

مش عارفه اكتب ايه
بس زهقانه اوى ومش
عارفه من ايه الدنيا ملغبطه
اوى ودايما بسال هو ازاى اكون
كويسه ازاى احب الناس والناس تحبنى
نفسى اكون كويسه بس مش عارفه نفسى اتعمق
فى الدين وربنا يحبنى بس برده مش عارفه قله اراده
ولا كسل ولا شيطان ولانفس اماره بالسوء برده مش عارفه
يارب اهدينى وساعدنى وقومنى يارب يارب يارب يارب يارب
لانى بجد تعبت ونفسى حد يشدى للصح حاسه انه بعيد ونفسى حد يوصلنى