الأربعاء، 31 ديسمبر، 2008

2009

جائت 2009 حنستقبلها

وجوانا جروح

ياترا حتخفف هى عننا

اللى جوانا من الم وخوف...؟؟



تاتى سنه جديدة بابتسامتها البريئه


فترانا وفى قلوبنا الدموع لاننا قبلها


شفنا سنين الم...


بس حنحاول نبتسم لبرائتك


يمكن..يمكن..يمكن


نضحك احنا فى ايامك....؟؟




يارب سنه 2009 تبقى السنه اللى


كلنا نحقق فيها اللى نتمناه....!!














اتمنالكم من قلبى بجد تكون

سنه سعيدة...!!


الأحد، 28 ديسمبر، 2008

لنا الله


































لا تسعنى الكلمات لاقول اى شىء
بجد ما اراه يعذبنى وانا ابعد عنهم الاف الاميال
فمابلكم من هناك......!!!
حسبى الله ونعم الوكيل
لنا الله

الاثنين، 15 ديسمبر، 2008

بوفر وقت....



السلام عليكم

مش عارفه هو انا اللى كبرت ولا مستوى التعليم فى مصر هو اللى نزل

مش عارفه كنت مروحه فى يوم قابلت واحدة جارتنا فى 3 اعدادى بعد السلمات

بسالها عن المدرسه قالتلى انا مش بروح قولتلها يا سلام طيب والغياب والانذار والفصل

قالتلى بعشرة جنيه اعمل اعادة قيد وارجع تانى......

ولما بان عليا الدهشه على ايامنا مش كان بيحصل كدة خالص

قالتلى يا بنتى انا كدة بوفر وقت قولتلها يا سلام قالتلى اه

هو فى حد بيدخل اصلا ولا فى حد بيشرح حاجه

انا بنام براحتى الصبح واصحى اروح الدروووس وارجع اذاكر كدة اكسب وقت

وكنا طالعين على السلم سكتت وسكت بس انا سكت وكنت بفكر فى ايام ما كنت بروح

المدرسه وكانوا بيخدوا غياب وكانوا بيبعتوا انذارات وأل ايه كنت بخاف وكنت بروح

المدرسه......

وعجبى....

الخميس، 11 ديسمبر، 2008

صعب


السلام عليكم
يارب تكونوا بخير
التاج دة جالى من مدونه
صوت من مصر
انا اصلا مش اعرف يعنى ايه تاج
كل اللى اعرفه انها اسئله بتتسئل
وانا اكتر حاجه بخاف منها هى الاسئله دى
اسمحولى اضايقكم شويه باجاباتى...
ماذا يمثل لك العيد ؟ وما أكثر شئ يبهجك في مظاهر العيد ؟
العيد يوم اجازة وبندبح فيه.... ماما بتبقى اجازة.
اوصف لنا طقوسك في العيد .. من ليلة العيد لآخر يوم ؟
الوقفه بفضل سهرانه لوحدى ومش جايلى نوم.. اول يوم طقوس اللحمه وتوزيعها تانى يوم عادى تالت يوم عادى رابع يوم هههههه عادى.
احكي لنا أطرف موقف حصلك في العيد ؟
مش عارفه يمكن علشان مش فى ويمكن علشان مش فاكرة.
بتحرص على تهنئة الأهل والأقارب والأصدقاء بالعيد .. ولا مش بتهتم ؟؟
لا مش بتصل بحد بس علشان انا خجوله بس ساعات كدة ناس معينه ببقى عايزة اعيد عليهم علشان بيكونوا واحشنى.
مين أول حد تزوره أو تكلمه في التليفون /الموبايل عشان تهنيه بالعيد ؟
مروة صاحبتى بس ساعات مش على طول.
إيه الفرق بين العيد الحالي .. وعيد (أيام الطفولة )؟
الحزن بزيد وعمرى بيزيد وبعقل.
تفتكر الحياة من غير عيد .. هتفرق كتير ؟؟؟
عادى يعنى عيد او مش عيد
إيه أجمل رسالة تهنئة بالعيد وصلتك .. قلنا طبعااا بتقول إيه ؟؟ ومن مين ؟؟
كل سنه وانتم طيبين نحبكم على رغم الفراق. من حد ظلمته وقسيت عليه.
لسه بتاخد عيدية ؟؟ من مين ؟؟ وبتديها لمين ؟
اللى كنت باخد منهم زمان ماتوا دلوقتى باخد من بابا وماما وبس.مش بدى لحد.
إيه رأيك في التاج ؟
جميل..متعب.
تحب تمرره لمين من المدونين ؟ اذكر على الأقل 10
انا حرة
حدوته
البحار
بلو ويف
رومانسى
مولان
الازهرى
كوشيا
قوس قزح

السبت، 6 ديسمبر، 2008

عيد يارب يبقى سعيد


كل سنه وانتم بخير
كل سنه وانتم طيبين
ويارب يارب يكون عيد
سعيد ....
والعيد اللى جاى يارب
تكونوا حققتوا كل اللى تتمنوه...

الثلاثاء، 25 نوفمبر، 2008

ليه...؟؟

ليه دايما لما بنشتاق لحاجه مش بنلاقيها

ليه لما بنبكى مش بنلاقى اللى بيمسح لينا دموعنا

اليه لما بنصرخ اوى اوى مش بنلاقى اللى بيهدينا

بننجرح كل يوم وبنتالم كل يوم ولا حد حاسس

ليه الدنيا الم ليه مبقاش فى امل

ليه دايما مظلومين

ليه دايما مجروحين

ليه قلوبنا مكسورة ودموعنا مهدورة

ليه لما بنحكى بنشكى وبنبكى

راحت فين البسمه وراحت فين الضحكه

وفين ناس زمان وفين دنيا زمان

وفين ايام زمان

اتسرقت مننا ايامنا ولا احنا دارين

وراحت مننا ضحكتنا ولا احنا حاسين

اصل احنا بنحس بالجرح اوى وبيعلم فى قلوبنا اوى

اصل الفرح قليل

بننجرح كل يوم وبنتالم كل يوم

وبنبكى كل يوم

وعن الفرح احنا سالين

وللبسمه احنا مستنين



السبت، 15 نوفمبر، 2008

60...؟؟


بقى عنده ستين سنه بقت عندها ستين سنه
يعنى طلع وطلعت على المعاش
المفروض يسموه سن الخوف
والانطوائيه....
مش عارفه هو صح ولا غلط يطلعوا العاملين فى سن الستين
بس كل اللى بشوفه ان اللى بيطلعوا عل المعاش بيتعبوا اوى بعدها
بيحسوا انهم بقوا مش ليهم لازمه خلاص
وبيقعدوا فى البيت من غير ما يعملوا حاجه
وبيتعصبوا لاتفه الاسباب
وكمان بيفكروا ان اى حد بيتكلم بيتكلم عليهم
ولما فكرت لقيت ان بردة مش ينفع
يستمروا بعد الستين
امكانيتهم على الشغل حتقل
وكمان الشباب كدة حيستنوا عمرهم كله علشان
يشتغلوا
مش عارفه لما يطلعوا على المعاش فى سن الستين صح ولا غلط....؟؟
بس كل اللى انا عارفاه انهم بيتعبوا اوى اوى.....!!!!
اختكم
حزينه اوى

السبت، 8 نوفمبر، 2008

روح...


لما بنكون لوحدنا وبنفتكر ايام زمان
بيجى فى بالنا ناس للاسف مش معانا
فى دنيتنا دلوقتى بنفتكرهم وبنتالم لفراقهم
وبنتمنى انهم يكونوا معانا دلوقتى
بنفتكر ليهم مواقف وبنسمع صوتهم
وبنتخيل ضحكتهم...
كانهم قاعدين معانا دلوقتى
وبتبتسم شفايفنا غصب عنا
وبنعيش معاهم لحظه
بس لحظه....
وفجاه بنصحى على الم الواقع
ان الناس بتوع زمان
مش معانا واننا من غيرهم دلوقتى
ساعتها بنتمنى بس روحهم تطوف
حوالينا علشان نقولهم بجد وحشتونا

الأربعاء، 5 نوفمبر، 2008

مرتاح....؟؟


من الاسئله الصعبه اوى
اللى ممكن نتسالها فى حياتنا
انت مرتاح...؟؟
ولو دورنا على معنى الراحه اللى بجد
حنلاقى نفسنا مش مرتاحين بالمرة
فكرت بينى وبين نفسى قولت ازاى ابقى
مرتاحه _يبقى عندى فلوس كتير_
ابقى بنت رجل اعمال مشهور لقيت اللى عندهم
فلوس كتير مش مرتاحين ورجال الاعمال اصل التعب
امتى لما حد يسالك انت مرتاح ....؟
تقوله اه مرتاح وانت من جواك واثق انك مرتاح.
بس للاسف مش فى حد مرتاح لان لو حد مرتاح
محدش حيسال السؤال دة اصلا...

السبت، 1 نوفمبر، 2008

القاهرة وعمرو...




السلام عليكم اولا
يارب تكونوا كلكم بجد بخير من غير حزن ولا جروح
القاهرة اليوم
او
عمرو اديب
مين فى مصر مش بيتفرج على البرنامج ده...؟
كنت فى الاول بقول ان البرنامج دة احسن برنامج فى الدنيا
وكنت بقول ان عمرو اديب ده مادام بيناقش حاجات مهمه كدة فى البلد
يبقى لازم حد حيتصدرله وحيعمل فيه حاجه وكنت بحب كلامه اوى مع انه
ساعات بيقطع المكالمات وبيستضيف ناس مالهاش لازمه بس كنت بحبه بردة
لحد مالقيت اراء ناس كتير ناس بتحبه اوى... وناس بتحترمه اوى.... وناس بتكرهه اوى
وبقيت مش عارفه مين هو معانا ولا مع الحكومه بس مش عارفه مع ان الاراء اختلفت بس بردة بحب
البرنامج والناس اللى بتقول انها مش بتحبه بردة بتتفرج على البرنامج يعنى بحس ان برنامج غير اى برنامج
واكيد فاهمين قصدى....!!

الأحد، 26 أكتوبر، 2008

زمن!!!


مين فينا جاي مرساها
مين رايح لحظة ميلاد الفرح
كان في حبيب رايح
يا أبو الروايح يا نرجس
ما تجس وتر القدر
تلقى حكايات البشر
فيها عبير العبر
صابح
***
زى النهار الطفل
لما ينفلت من بين أيادي الضلمة
ويشقشق
أنا شفت روح الحق
لما اتسللت صرخت وفي وش الخرس انطق
آدي البشر أوراق
فيها عبير العبر
صابح
***
بان في عيون العصرلما زغللت
الليل يجيها يحمي ضهر الزين
أنا شفت روح الخطوة
لما اتبرجلت
عكازها ماشي بالخطى
على فين
آدي البشر أوراق
فيها عبير العبر
صابح

السبت، 18 أكتوبر، 2008

انا....!!!



تخيلت نفسى بلعب مع رفقه

لعبه الصراحه(عارفينها طبعا)

واتسالت سؤال يبان انه سهل

بس هو فى الاصل صعب اوى

_من انتى_ ابتسمت وبدات فى الاجابه

بس فى حاجه سكتتنى

وسكتت وبعدت بخيالى

ووصلت لحد الحضانه....الابتدائى....الاعدادى....الثانوى...الكليه

وبعدين بصيت للى بيسالنى وقولتله

انا...

انا...

ولا حاجه....!!!!

مش لقيت اجابه احسن من دى تحتوينى....

الاثنين، 13 أكتوبر، 2008

بجد....!!!






أمريگا علي حافة الإفلاس -->

اكدت البيانات الاقتصادية الصادرة امس ان الازمة المالية العالمية الراهنة تدفع الخزانة العامة الامريكية إلي حافة الافلاس بعد ان وصل اجمالي الدين العام لامريكا إلي اكثر من ‮٠١ ‬آلاف مليار دولار‮. ‬وفي اشارة إلي التضخم الرهيب في حجم الدين الامريكي اعلنت مؤسسة دورست الاقتصادية الامريكية ان عداد الدين العام الذي تضعه في ميدان التايمز بمدينة نيويورك لرصد الدين العام الامريكي لحظة بلحظة لم يعد قادرا علي استيعاب الزيادة الرهيبة في الديون الامريكية وانها تعتزم تطوير العداد لزيادة سعته‮.‬

الثلاثاء، 7 أكتوبر، 2008

انسى.....!!!





أعطني الناي وغني
فالغنا سر الوجود
وأنين الناي يبقى
بعد أن يفنى الوجود
هل إتخذت الغاب مثلي
منـزلاً دون القصور
فتتبعت السواقي
وتسلقت الصخور
هل تحممت بعطره
وتنشفت بنور
وشربت الفجر خمراً
من كؤوس من أثير
هل جلست العصر مثلي
بين جفنات العنب
والعناقيد تدلت
كثريات الذهب
هل فرشت العشب ليلاً
وتلحفت الفضاء
زاهداً في ما سيأتي
ناسياً ما قد مضى

أعطني الناي وغني
وانسى داء ودواء
إنما الناس سطورٌ
كتبت لكن بماء

الأربعاء، 1 أكتوبر، 2008

امجروح انت...؟؟



امجروح انت
نعم مجروح
مجروح منى وانا سبب كل الجروح
بى انا انت موجوع
بى انا انت مظلوم
ياليتك تعرف طريق الرجوع
يا ريتك تستطيع تغير المحتوم
فانا دمرتك بلا هوادة
جرحتك بلا ضمادة
جئت بك ارضا
وانت من كان عالى
سامحنى
لا لا
بل انتقم انتقم
وخد بثارك فلست انا
من يجوز لها السماح
لك نفسى مزقها
لك عقلى حطمه
لك جسدى اهلكها
لك قلبى دمرة
لكن تذكر انى من اعطيتك
صلاحيه نفسى
فكن حذرا
من نفاذ الصلاحيه
ووقوعك فى الوحل منى انا....







حزينه

الاثنين، 29 سبتمبر، 2008


السلام عليكم
خلص رمضان بسرعه اوى....
وجه العيد بردة بسرعه اوى.....
بكرة الوقفه علشان رمضان كامل السنه دى.....
كل سنه وانتوا بالف خير اعادة الله عليكم دايما بالخير....
مع ان البلد فى حرائق ومشاكل بس لازم يجى العيد ولازم نهدى.....
حزينه

الأحد، 28 سبتمبر، 2008

حتوحشينا كلاكيت تانى مرة




كتبت قبل كدة بوست بعنوان حتوحشينا يا مصر

علشان حريق مجلس الشورى

والنهاردة بكتب بوست بقول فيه حتوحشينا يا مصر

لتانى مرة

بس يارب مش اكتبه تانى

بجد كلنا لازم نتامل فى مصر اوى الايام دى

وكمان نصورها لاننا شكلنا

مش حنشوفها على طبيعتها وحالها

الطبيعى تانى

كل يوم حريق وضياع لملامح مصرنا الحبيبه

بجد
بجد
بجد
حتوحشينا يا مصر.....


الاثنين، 22 سبتمبر، 2008

الممنوع مرغوب...؟



هى دى حياتنا الممنوع مرغوب

اللى مش ينفع اوى يبقى عايزينه اوى

واللى موجود ومعانا مش بنعوزة

علشان تبقى حياه لازم ندور على اللى مش موجود

ونتعب

واللى قدامنا وبتاعنا بنبعد عنه وبردة

بنتعب

وبعدين.....

الثلاثاء، 16 سبتمبر، 2008


وزير المالية يطلب تدريس الضرائب لتلاميذ المدارس-->
هما ناقصين مش كفايه المناهج اللى عليهم كمان يدوهم ضرائب....
الحمد لله انى خلصت وخلصت منهم ومن تجديدهم....
الله يكون فى عون التلاميذ....


الأحد، 7 سبتمبر، 2008

الفراق

دايما كنت اسمع ان الفراق صعب
كلمه كنا كلنا بنقولها وبتعدى علينا
عادى يعنى لما حد بيشتكى ويقول
الفراق صعب مش كنت بحس عادى
يعنى كلمه وحد بيقولها بس بعد ما
حسيت بيها عرفت هى اد ايه بتكوى
وبتجرح اوى وبتخلى الانسان عايش
بس مش عايش حاسس بحاجه جواه
حاجه كبيرة اوى ضايعه منه بلا رجعه
احساس غبى اوى انك تعرف ان الثانيه اللى
بتعدى مش بترجع تانى وان الانسان اللى انت
معاه دلوقتى ممكن كمان ثانيه واحدة يختفى للابد
اه من الفراق
كلمه من حروف بسيطه بس هى تشمل اكبر معانى
الالم والعذاب العذاب الذى يجعلك اسير للدموع وعبد
للتفكير ورسول للحنين الكبير .........

الخميس، 28 أغسطس، 2008

كل رمضان وانت من اهل الجنه



كل رمضان وانت مكتوبين فى الجنه

كل رمضان وانتم بخير

كل رمضان واحنا مع بعض بنكتب اللى فى قلوبنا

كل رمضان واحنا لربنا اقرب

ولحب الخير اسبق

اختكم

حزينه

الاثنين، 25 أغسطس، 2008

يرضيكى يا مصر...؟



واقعة تعذيب جديدة لشرطة حكومة الطوارئ بالإسكندرية.

واقعة تعذيب جديدة في سجل تعذيب الشرطة المصر لمواطنيها، الضحية هذه المرة لم يعذب فقط! بل جري تجريده من ملابسه وهتك عرضه أثناء وجوده في قسم الشرطة لإنهاء إجراءات إخلاء سبيله علي ذمة محضر مشاجرة وفقاً لقرار النيابة.

كل دة علشان اتعارك فى الشارع....

امال لو كان قتل حد بقى كانوا عملوا فيه ايه..

حسبى الله ونعم الوكيل

سجن 3 من رجال الشرطه ارغموا مصريا على ارتداء ملابس نسائيه........!!!
مش حقول غير لا حول ولا قوة الا بالله
على اللى بيحصل فيكى يا مصر

لحد امتى حيستمرالتعذيب فى مصر اللى المفروض انها بلد الديمقراطيه....
لحد امتى حنحس ان احنا مش فى بلدنا من اللى بنشوفه فى مصر....
لحد امتى حنخاف من بلدنا ومن اللى فى بلدنا.....





لما الانسان يتهان كدة قدام الكل قدام الناس
واللى ماشين فى الشارع ولا قدام عياله ومراته
يعيش ازاى....
يرضيكى يا مصر.....!!!












يرضيكى يا مصر...؟؟








السبت، 23 أغسطس، 2008

لعبه الايام


بتغيرك أيام وتبدلك أيام
وبتجيني تلاقيني مع الماضي
مع الذكرى مع الأحلام
عشان قلبي أنا
أوفى من الأيام
يا لعبة الأيام
يالعبة الأيام
يالعبة الأياااااااااااام

الثلاثاء، 19 أغسطس، 2008

حتوحشينا يا مصر...


ياترا حترجع تانى حادثه حريق القاهرة....
ياترا المرة دى ماس كهربائى ولا عقب سيجارة....
ربنا يستر عليكى يا مصر.....

الأحد، 17 أغسطس، 2008

بجد....؟؟؟


هو احنا لو بطلنا نحلم (نموت).....؟؟

السبت، 16 أغسطس، 2008

انا زعلانه....(.....)


لما تكون مضايق اوى
ومش فى حد جنبك
ولوحدك اوى
ونفسك تعيط اوى اوى
ومش عايز حد يشوف دموعك
علشان مش فى حد يسالك مالك
تعمل ايه....؟
انا زعلانه...
اوى

الاثنين، 28 يوليو، 2008


ممدوح اسماعيل براءة

الأربعاء، 23 يوليو، 2008

كتابات اخرى....!!!


يلا بينا ع المرار تفتكر دا انتحار
هو الصبر عليه كويس؟ غمض عنيك عليه وليس
العويل حيبقى بيه هو دة اسمه ايه
والشغال ينداس عليه تتخصم حوافزة ليه
قمت يوم الصبح بدرى قلت يوم جميل يعدى
ركبت تاكسى لقيته جنبى نهار باين مش معدى
مرار جديد يقلى حاسب وادى له بقشيق عليه
تاكسى زاد وعيشه نار مرار جديد مافيش فرار
دنيا طايشه لونها مادى مش اليوم وفوت وعدى
هو دة المرار تفتكر دا انتحار
وعجبى....!!

الثلاثاء، 22 يوليو، 2008

be cry

فلنبكى على امل مفقود وجزن ساكن جوا القلوب....



فلنبكى على عمر ضاع من بين ايدينا.....

دعوة للمشاركه فى البكاء....

فانا ابكى على يومى وعلى امسى.....

وغدا هو من يبكى علي...........!!!

وعجبى...!

فلنبكى

ح

ز

ي

ن

ه



الأحد، 6 يوليو، 2008

يارب.....!!


السلام عليكم



انا مسافرة عمرة بعد بكرة


وبتمنى من الله انه يتقبلها منى ويكتبهالكم


وراح ادعيلكم كلكم بس انتوا اوعوا تنسونى وافتكرونى






اختكم

حزينه

الخميس، 26 يونيو، 2008

وماذا عن مستقبلنا...؟؟


فى ثانيه بيتحول الحلم لكابوس كبير فى اقل من ثانيه بيضيع تعب ايام وشهور....
دموع بتحرق اوى جوا قلوب ناس ذاكرت طول السنه واولياء امور تعبت طول السنه بسبب ان الاساتذة الكبار عايزين يتحدوا الطلبه الصغار.....
دروس خصوصيه وشغل طول السنه وفلوس بتروح وناس بتسهر وفى الاخر دموع (ومش حليت حاجه)
طيب وبعدين يعنى وبنرجع نقول التعليم فى مصر وحش الطلبه مش بيذاكروا......
بجد مش عارفه اقول غير حسبى الله ونعم الوكيل.....

الاثنين، 23 يونيو، 2008

انا خلصت خلاااااص....!!!

انا خلصت امتحانات

بجد ارتحت كتيــــــــر

ورجعتلكم تانى

الأربعاء، 30 أبريل، 2008

اوعوا تنسونى


السلام عليكم
انا حغيب عنكم شويه علشان عندى امتحانات ومذاكرة
وكليه وكلام من دة يعنى .. ادعولى ربنا ينجحنى.
اوععوا تنسونى انا حرجعلكم بعد الامتحانات
اختكم
sad