ليه دايما لما بنشتاق لحاجه مش بنلاقيها ليه لما بنبكى مش بنلاقى اللى بيمسح لينا دموعنا
اليه لما بنصرخ اوى اوى مش بنلاقى اللى بيهدينا
بننجرح كل يوم وبنتالم كل يوم ولا حد حاسس
ليه الدنيا الم ليه مبقاش فى امل
ليه دايما مظلومين
ليه دايما مجروحين
ليه قلوبنا مكسورة ودموعنا مهدورة
ليه لما بنحكى بنشكى وبنبكى
راحت فين البسمه وراحت فين الضحكه
وفين ناس زمان وفين دنيا زمان
وفين ايام زمان
اتسرقت مننا ايامنا ولا احنا دارين
وراحت مننا ضحكتنا ولا احنا حاسين
اصل احنا بنحس بالجرح اوى وبيعلم فى قلوبنا اوى
اصل الفرح قليل
بننجرح كل يوم وبنتالم كل يوم
وبنبكى كل يوم
وعن الفرح احنا سالين
وللبسمه احنا مستنين
هناك 51 تعليقًا:
عندك حق
لية الحزن مسيطر اوى علينا كدة
لية الضحكة بتخرج من غير نفس
الحزن دة اساسا اكتر حاجة
بتعقد الانسان
مش بيشوف غيرة قدامه حتى لو فى كل ساعة افراح
مش بيشوف غير الحزن
ودة بسبب جرح
وللاسف مش كل انسان بينسى جرحة بسهولة
بوست جميل حزينة
كل التقدير
اسير الجراح
حزينة
لا مش عندك حق..
الدنيا حلوة بس نفهمها..
بجد الدنيا حلوة، حتى لو عدى علينا حزن ده هيخلينا لما نفرح نحس بطعم الفرح اوى..
تحياتى
انتظري تلك البسمة وابحثي عنها
وعندما نتكلم عن ايام زمان فتلك الايام هي اروعها واجملها وما اجمل ان نصبح كالاجداد
لو ليه لاننا بشر يعنى شهوانين يعنى لو بحب احب الى بحبه يكون معايه
ولو بحب التفاح بشتاق للموسم بتاعه ؟
عشان كده طلعنا من الجنه ؟
يا حزين يا قمقم جوه بحر الضياع
حزين أنا زيك وإيه مستطاع
الحزين ما بقالهوش جلال يا جدع
الحزن زي البرد زي الصداع!
عجبي
ايه العزاب ده؟؟؟؟ وانا اللى كنت فاكر ان هموم الدنيا فيا لوحدى!!! لاقيت الهم عندك جبال....هونى على نفسك واخرجى من سجونك للبراح...اللى جاى من عمر قلبك راح يطيب فاللى راح...بس لازم تخرجى واعلنى عصيانك عالموت ...لسه الحياة بتقول غناوى لسه الايدين تقدر تداوى ...خلى همك ويا همى ويا هم الناس غناوى تعزف اللحن المداوى تملا بكره بالامانى ....اخرجى من ارضك ودوسى ارض غيرك يمكن تهون عزابك بحب صادق او مصالحة مع النفس والدنيا...تحياتى ليكى فى اول زيارة واوعدك مش الاخيرة
البحار
راهب الجزيرة
جزيرة البحار
ناس زمان وفرح زمان لسه موجودين
هم يمكن قلو شويه بس لسه موجودين
اسير الجراح
اول تعليق
اتمنى حياتنا بجد من غير حزن ولا الم
نورتنى
ونورتنى اكتر باول تعليق
حزينه
هابى
اول مرة عندى نورتينى
فعلا لما بنحزن بنعرف يعنى ايه
فرح
حزينه
عابرة
سانتظرها فليس لدى غير الانتظار ليوم افضل
حزينه
صوت من مصر
كلامك جميل كالعادة
نورتنى
حزينه
رئيس جمهوريه نفسى
حزين ولا عارف افرح
تعبان ومش قادر استريح
عجبى
نورت صفحاتى
حزينه
البحار
بتقول كلام جميل وانت مش مقتنع
الحزن لما يبقى فينا مش بنقدر نهزمه
وجودك اضاف لمسه جميله للمدونه
اتمنى الزيارة تتكرر
على فكرة كلماتك جميله اوى
وفرحت شويه لما قراتها
حزينة
اسراء
ازيك يارب تكونى بخير
بس اللى بيموت بياخد معاه فرحه قلب
عمرها ما ترجع
حزينه
لفت نظرى من كلامك كلمة رجعتنى ليكى تانى ...(بتقول كلام جميل وانت مش مقتنع)
يمكن انتى دوستى عالحقيقة بس انا مقتنع ان الحزن بيهون لما نحط الهوم على بعضها اكيد همك ويا همى ويا هم غيرك لما يجتمعوا صديقنى ممكن هم يحل التانى وهتتوه الهم مننا وسط الهموم وننشغل عنه ولما تسمعى صوت الناى بيبكى ويا الكمانجة او العود الشجى مش هتحزنى على اد ماتتاملى فى بكره ....انا مقتنع ان الهم على الهم بيخف ومش مقتنع ان الحزن ممكن يروح خالص من حياتنا حبيت اعلق تانى عشان همومى تخف وبجد خفت كتير عن ماكنت لوحدى
تحياتى
البحار
البحار
كدة انت مقتنع شويه
نورتنى تانى
بس هم عن هم يفرق
فى هم بيهد اوى ومش بتعرف تقوم من بعدة
الحزن قدر
حزينه
تعرفي بجد الحزن بقى شئ اساسي من حياتنا اصلا ماعاتش فيه فرحه كامله ابدا دايما حتى لو فرح بيكون فيها حزن
تحياتي ليكي
السلام عليكم
الحزن حاله مش أكتر بتيجي شويه وشويه وتتنسي وترجع من تاني تفكرنا
انا بحب القصايد الحزينه لأني بحب كتابتها
وأحلي ما في قصيدك النهايه الي تفتح باب من الامل
مبسوط بتشريفك
وشكرا علي مشاعرك الجميله
وفي تألق وتوفيق من الله
تحياتي
حاسوبتيه
اهلين
لازم يكون فى حز فى حياتنا
هو كدة الحزن قدر
حزينه
زيزو
اهلا بيك
نورتنى
انا كمان بحب القصائد الحزينه
حزينه
حزينه حزينه يعنى:))
أولا
مدونتك جميلة جدا
وكمان أنا أصلا نكدي بحب الحزن أوي
وانت جيتي على الجرح في التدوينة دي
عشان كدة حسجل مدونتك عندي
ههههههه
ممكن ؟؟
-------------
حقيقي بتألم كل يوم
بتألم من أكتر ناس بنحبها
بنتجرح
بس برضه الدنيا مش فظيعة للدرجة دي
لازم يبقى في أمل
وعمرنا مكنا حنعرف يعني إيه نعمة السعادة من غير ما نشوف الحزن
وكمان كل ليل بيظهر بعده نهار
يعني أكيد لو بنتألم حييجي اليوم اللي الجرح حيجبر بإذن الله
وغير ده وده
فإن مع العسر يسرا إن مع العسر يسرا
وكمان
إن الله مع الصابرين
وكمان مش حنحس بطعم السعادة بجد غير لما نتعب أوي عشان نوصلها
طولت هه
ههههههههههههه
انتي اللي كاتبة نتكلم من قلبنا
Special Designer
بلو ويف
الحزن قدر
بس والله ساعات بفرح
حزينه
Special Designer
دة شىء يشرف مدونتى
الحزن الم ووجع قلب
والله بحاول اكون من الاصابرين
وبدعى دايما ان ربنا يكون معايا وجنبى
الحزن قدر
بجد نورتنى
حزينه
ممكن عشان احنا فقريين ؟؟؟؟
ممكن برضة !!!
قمر
ممكن ليه لا احنا كدة فعلا
حزينه
صديقتى حزينة
حزنك مرهف ولكنه كثير ويثير فينا الكثير من الاشجان
تحياتى دوما
وعتابى
مش عارف ليه الحزن كده مسيطر عليكي
هي الدنيا ايه اصلا علشان نحزن عليها
يا ستي فرفشي و لا تحزني العملية مش ناقصة
السلام عليكم
الفرح موجود زي ما الحزن موجود
ولية نظرة اليأس في حياتنا
ليه الواحد ميعيش بأمل وتفائل في حياتة
تفائلوا بالخير تجدوه زي ما قال الرسول صلي الله علية وسلم
من اجل مصر
شارك في الحملة الشعبية للقيد بالجداول الانتخابية وادعو غيرك
ضع بنر الحملة علي مدونتك
البنر موجود علي مدونتي
اذا كنت ترغب في وضعه علي مدونتك ارسل ميلك كي ارسل لك كود البنر
ارجو المعذرة للدخول بلا مقدمات لأني ادخل علي مئات المدونات يوميا
الازهرى
نورتنى
الحزن قدر
سامحنى
حزينه
شوكت
مرورك اسعدنى
الفرح حلو
حزينه
ابن مصر
عليه الصلاه والسلام
بتمنى الفرح يملا قلوب كل البشر
حزينه
م/ الحسينى لزومى
ولا يهمك على الرحب والسعه
حزينه
شوفى كل يوم بيعدى بنقول اللى قبله كان احسن
الحزن سكنا من زمان بس المهم ما يكسرنا
ربنا يسعدك
بسنت
نورتينى
ياليت الزمن يرجع تانى بجد
حزينه
غاليتي حزينة
لم أجد سوى الصمت عند وجودك..
لم أجد سوى السكون عند بوحك..
لم أجد سوى الانتظار عند جديدك..
مبدعة أنتي في خواطرك جميلة بأسلوبك...فنانة ببوحك
تقبلي مروري المتواضع
Angel Love
ليه بس كدا
المفروض نسيبها لله وكل شي هيتحل منعقدهاش احنا بس
مش عارفه اقولك ايه
كلماتك مستني اوي بجد
عجبتني اوي الكلمات دي:
ليه دايما لما بنشتاق لحاجه مش بنلاقيها
ليه لما بنبكى مش بنلاقى اللى بيمسح لينا دموعنا
اليه لما بنصرخ اوى اوى مش بنلاقى اللى بيهدينا
بننجرح كل يوم وبنتالم كل يوم ولا حد حاسس..
بس عارفه ليه لما بنشتقلها مش بنلاقيها
عشان احنا بنكون رميناها زمان وعرفنا قيمتها بعد فوات الاوان
ولما بنصرخ مش بنلاقي اللي يهدينا لاننا بنهرب عشان عارفين ان محدش هيحس بينا..
حاولي تخرجي من المود الحزين دا
ربنا يفرح قلبك
تقبلي مروري
تحياتي
حزينة ..
الدنيا بقت غريبة .. كلامك فاكرني بموضوع ..كانت عملته مدونة اسمها مجنونة الدنيا ..وهوظاهرة بقت منتشرة اوي في الافراح وهو ان الناس بقت تشغل اغاني حزن بدل فرح ..الدنيا اتشقلبت الناس بقت ترقص علي احزنها ..
بصي لوشوش الناس بقت ملامحها ملاينة هموم واحزان كتيرة ..من كتر الضغوط اللي بيشوفوها ..الحزن بئي هو وجه العمله الاساسي في حياتنا ...ربنا يرحمنا من اللي احنا فيه ده ..ويرجع الفرح لينا من تاني في قلوبنا
تحياتي ليكي
وليه بس الحزن ده كله؟ ليه بننتظر من يأتي ليمسح لنا دموعنا بدلا من أن نبحث عن سبب هذه الدموع ونعمل على ألا تتكرر؟ ليه بنصرخ أوي أوي، في حين إننا ممكن أوي أوي نتسمع من غير الحاجة للصراخ؟ ليه عاوزين حد يحس بجرحنا وألمنا؟ هل سيزول الألم وتداوى الجروح لو ده حصل؟ مفتكرش.
الدنيا كلها أمل، بس إحنا اللي نظرتنا للأشياء باتت قصيرة جدا لدرجة أننا بتنا لا نرى الأشياء.
أيام زمان راحت، تماما كما يروح اليوم منا، وكما سيروح غدا... فهل لنا أن ندرك كم هو ثمين اليوم، وكم هو أثمن الغد، وكم هو رخيص الأمس؟
انجل
وجودك الاكثر روعه
نورتى المدونه
اشكرك
حزينه
مولان
ونعم بالله
نورتينى
حزينه
هاجر
انتى عسل
انا مبسوطه ان فى حد فهمنى
ووجودك كمان اسعدنى
الحزن قدر
يارب
حزينه
طرئعه دماغ
نورتينى
وبجد كلماتك واقع ملموس كل
يوم بنحسه وكل يوم بنشوفه
ويوم عن يوم
بنتعب اكتر
حزينه
هنا وهناك
كلماتك واقع حى
والامنا معانا اليوم وبكرة وكمان بالامس
سبب الجروح روح راحت مننا ومش راجعه تانى
نورتنى
حزينه
السلام عليمن و رحمه الله و بركاته
كنتم قد علقتم على مدونة آدم المهدى حول موضوع سؤال عويص
و الان مع الاجابة
http://ademelmahdy.blogspot.com/
و جزاكم الله خيرا
السلام عليمن و رحمه الله و بركاته
كنتم قد علقتم على مدونة آدم المهدى حول موضوع سؤال عويص
و الان مع الاجابة
http://ademelmahdy.blogspot.com/
و جزاكم الله خيرا
ادم
نورتنى
حزينه
عارفه ليه
علشان احنا ماشيين فى سكه من الهلاك
مش عايز حد يكون معاك حتى لو داقت بيك دنياك
بتشوف ناس ناسياك وبتنسى ناس مشتنياك
بندور على الحزن والمرار
بنبعد عن الحلم ونفتكر كوابيس الانتحار
ونروح لدار مش هو الدار
انتى ليه حزينه ما تحولى المسار
وارضى ده كلمة رضا هى حل الأسرار
أرجو أن تتقبلى مرورى استمتعت جدا بكتاباتك وانتظر جديدك وارجو ان تتقبلينى زائر دائم عندك
وائل كامل
كلماتك تحفه
بجد كلمات حلوة اوى
اسعدنى تواجدك وسيسعدنى على طول
الحزن قدر
حزينه
إرسال تعليق