الثلاثاء، 15 ديسمبر 2009

شتا...


مش عارفه ليه لما بيجى الشتا
بحس انه بيجى معاه حاجات كتير اوى
مش عارفه بحس انه بيجى معاه المشاكل
والبرد الجامد اوى والكابه وحزن الليل واه
من حزن الليل لما تلاقى الناس كلهم نايمين فى الدفا
من المغرب وانت لوحدك كدة بتفكر....
مش عارفه جو الشتا مش بيعجبنى وبستنى الصيف
يجى اوى يمكن علشان الجو بيهدى فى الشتا وبيخلينا نفكر كتير
مش عارفه بس كل اللى انا عارفه انى كل يوم اسال
هو الصيف حيجى امتى.

الخميس، 19 نوفمبر 2009

لن اعود...؟؟






أنا لن أعود إليك مهما استرحمت دقات قلبى

أنت الذى بدأ الملالة والصدود وخان حبى

فإذا دعوت اليوم قلبى للتصافى لا لن يلبى

الجمعة، 6 نوفمبر 2009

وبعدين...!!!



عمرو الليثى كل يوم خميس بيجى البرنامج بتاعه

بنتفرج عليه وبنتابعه وبقاله كام حلقه كدة بيجيب العشوائيات اللى فى بلد

او بالاخص اللى فى القاهرة وبنشوف بجد ناس عايشين ومش عايشين ناس حالهم يصعب على الكافر

ناس غلبانه اوى والحكومه مش حاسه بيهم يقدر مسئول كبير كدة يعيش نص ساعه بس من غير ميه وكهربا ومجارى

وكل مرة تيجى الحلقه التانيه وبردة مش فى رد من المسؤلين وبردة الناس عايشه تحت الارض وبيعيوا وبيموتوا والمسؤلين ساكتين

طيب وبعدين..؟؟لحد امتى..؟؟ مش حرام اطفال زى الورد اول ما يتولدوا يعيوا مش حرام ناس اكبر امنيه ليهم شقه...!!

ليهم ربنا وعمرو الليثى وبعض الشرفاء...وحسبى الله ونعم الوكيل.

الثلاثاء، 13 أكتوبر 2009

مولد وصاحبه غايب...بس غايب اوى


مولد وصاحبه غايب..بس غايب اوى
مصر اه بتكلم عن مصر مولد كبير ومش ليه صاحب
المراه الحديديه سرقت ونهبت وسافرت وهربت
واحنا عادى...
انفلونزا الخنازير ومهازل فى المدارس المستخبيه
واطفال محدش بيسال عن صحتهم ولا عن احوالهم فى الفيرس....
الشيخ الجميل يطلع يشتم طالبه ومدرسه ويمنع النقاب
وبردة عادى....
العشوائيات اللى مصر وبهدله الشعب الغلبان اللى مش
بيعرف يقول لا فين اعضاء مجلس الشعب فين الحكومه...
الشباب اللى مش لاقى شغل وقاعد على القهاوى مين يساعدة
ولا لما بيغلط بيحاكموه...
كفايه كدة مع ان فقرات المولد لسه مستمرة
بس رجلى وجعتنى من اللف فى المولد ونفسيتى كمان وجعتنى
على مصر...!!!!!

الأربعاء، 23 سبتمبر 2009

يارب..


وبكره تفرج بعد ما ضاقت علينا...

الجمعة، 21 أغسطس 2009

رمضــــــــــان كريـــــــــــــم

بكتب بالازرق علشان بحبه...
عايزة اقولكم ان رمضان ده بجد كنز كبير اوى
حاولوا الكنز دة مش يضيع
الدنيا بجد مش مستهله
ولا مسلسلات ولا خيم رمضانيه
خلينا مع الله
بجد احسن
ورحمه لينا فى يوم حنحتاج عملنا
عملنا وبس
انا مش بخوفكم بس بكلمكم عن تجربه شخصيه
رمضان كريم كريم اوى
وكل سنه وانتم دايما دايما طيبين

الأربعاء، 29 يوليو 2009

مهلا سيدى...!!


مهلا سيدى
فلست بحجر
اتالم مثلكم
اعلم ان لى عندك سجل اسود
لكن اعلم ان الايام تلين الحجر
وتجعل منه ماء يسرى...
طالما جرحتنى كلماتك
وطالما هزتنى نظراتك
الايام تعذبنى
وانت تزيد من عذابى
مهلا سيدى
فالايام تاخذ بثارك جيدا
فاترك لها زمام الامور
فهى كفيله بى وكفيله بهزيمتى
لانى مستسلمه
نعم مستسلمه
فكيف لى ان اصدها
وهى تاخذ بثار المظلمومين
منى انا وحدى...

الجمعة، 26 يونيو 2009

انا وانت...

بكتب اسمك يا حبيبي
عالحور العتيق
بتكتب اسمي يا حبيبي
ع رمل الطريق
وبكرة بتشتي الدني
عـ القصص المجرحة
بيبقى اسمك يا حبيبي
واسمي بينمحى
بحكي عنك يا حبيبي
لأهالي الحي
بتحكي عني يا حبيبي
لنبعة المي
ولما يبدور السهر
تحت قناديل المسا
بيحكوا عنك يا حبيبي
وانا بنتسى
وهديتني وردة
فرجيتا لصحابي
خبيتا بكتابي
زرعتا عالمخدة
هديتك مزهرية
لا كنت تداريها
ولا تعتني فيها
ت ضاعت الهدية
وبتقلي بتحبني
ما بتعرف إديش
ما زالك بتحبني
ليش دخلك ليش

الثلاثاء، 26 مايو 2009

احساس غريب...!!!


مش عارفه عندى احساس غريب اوى...
احساس اول مرة احس بيه
مش عارفه حاسه انى عايزة اكسر
عايزة امسك زجاج كتير واكسرة
عايزة ارمى حاجه واسمع صوت تحطيمها ...
يمكن مضايقه بس احساس غريب اوى اوى

الثلاثاء، 19 مايو 2009

القلب يبكى...

بجد الم كبير اوى حسيت بيه

واتوجعت اكتر لما شفت صورة الملاك الصغير ده

مش قادرة غير انى اقول البقاء لله ربنا يصبر والدته ووالده

وان شاء الله محمد فى الجنه.



الاثنين، 11 مايو 2009

اسفاف...؟؟







وزير التربيه والتعليم


بكتب الموضوع دة بجد وانا زعلانه اوى على اولياء الامور وبعدهم الطلبه


مش عارفه حاسه ان وزير التربيه والتعليم دة بيجرب فيهم ممكن


بسهوله جدا يغير نظام الثانويه العامه يخليها سنه واحدة


وممكن كمان يطبق سنه سادسه ومش اشكال بقى


اولياء امور وطلبه ودروس المهم القرارات


اللى بياخدها بجد انا شايفه انه


يستقيل لانه من ساعت


ما مسك الوزارة


والحال مايل


واطفال زى الورد تموت فى المدارس واطفال زى الورد


تضرب من المدرسين فى المدارس وعنف وموت


وهو قاعد على كرسيه بيدى فى قرارات


ناس بتبكى حالها وحال عيالها


وهو مرتاح دة مش ليه


غير اسم واحد


اسفاف...




الاثنين، 20 أبريل 2009

منى الشاذلى

منى الشاذلى
قمر قناه دريم 2
برنامجها الكل بيشوفه
وهى شخصيه محترمه جدا
مش ليها دعوة بحد بتعرض
قضايها ومشاكل البلد بكل احترام
والناس اللى بتجيبهم فى البرنامج ناس
محترمه جدا.....
منى الشاذلى
يعنى زى ما بيقولوا كدة
مش فيها غلطه واحدة حلوة من كله
بس لما فكرت فيها شويه اتمنيت بجد
انها تكون محجبه (حتفرق كتير معانا)
اكيد لا حتفضل هى هى منى الشاذلى بس بحجاب
حتبقى قمر بس للاسف الحلو مش يكمل لانها مش محجبه
ولان وزير الاعلام رافض المحجبين.
ساعاتها قلت يا خــــــــــســــــــــــــاره
بس حنفضل نحبها وحنحبها اكتر لو كانت محجبه...

الثلاثاء، 7 أبريل 2009

ايمن وجميله....


السلام عليكم
ايمن نور وجميله اسماعيل
وخبر طلاقهم...
مش عارفه ليه مش مقتنعه بكلامه
لما جه فى 90 دقيقه وفى نفس الوقت
بقول انها محاوله انهم يشغلوهم عن احداث
6 ابريل مش عارفه....؟؟
بس حاسه ان الموضوع فيه ان....
ومصر فى انات كتير....

الأربعاء، 25 مارس 2009

كتبت...


كتبت فمات فى يدى القلم

ماذا يحدث..؟؟

لا اعلم

هل كلماتى من قتلتك

ام انتحرت حزنا على

لا اعلم

كتبت فمات بيدى القلم

وماتت معه افكارى

وماتت معه احلامى

كتبت وكتبت

وضاعت الايام وانا اكتب

كتبت

وسرقنى حروفى

تبعدنى لشواطىء حيرة قاسيه

كتبت وهزمتنى عباراتى

جعلتنى ابكى ايام الصبا

مت انت يا قلم

ومات معك الورق

الأحد، 22 فبراير 2009

لا ارانى....


كلما نظرت الى المراه
لا ارانى
انظر جيدا لكنى
لا ارانى
اين انا...؟
كنت انظر اليها
وانا صغيرة كنت ارانى
لكنى الان لا ارانى
ماذا بكى يا مرءاتى...؟؟
اين انا منك...؟
اين ملامحى..؟؟
ساكسرك ساحطمك
فانتى السبب فى انى لا ارانى
لكنى اكتشفت انك لست السبب
لست السبب

الثلاثاء، 10 فبراير 2009

احداث وتفاصيل






الاحداث



1- امى عملت عمليه قلب مفتوح




2-اشتغلت.......!!!!!





التفاصيل


1- الم ثم الم ثم الم ياريتنى كنت بدالها


بجد عمليه صعبه اوى


ياريتنى كنت بدالك يا امى


ولا انك تتالمى ثانيه....




2- اشتغلت بروح اقعد


على كرسى 6 ساعات وبعدين بروح


اه على فكرة الكرسى خشب


ونفسى اقعد على كرسى جلد





حزينه اوى

الخميس، 29 يناير 2009

محتجالك يارب

الدعاء عند الهم والحزن


اللهم إني عبدك ابن عبدك ابن أمتك

ناصيتي بيدك ماضِ في حكمك ، عدل في قضاؤك

أسالك بكل اسم هو لك سميت به نفسك أو أنزلته في كتابك ،

أو علمته أحداً من خلقك أو استأثرت به في علم الغيب عندك

أن تجعل القرآن ربيع قلبي ،

ونور صدري وجلاء حزني

وذهاب همي

مش عارفه حسيت انى محتاجه الدعاء دة اوى....!!!

ولو حد محتاجه يدعى بيه وربنا كريم كريم اوى.



الجمعة، 2 يناير 2009

سيؤلمك الاشتياق....!!

نعم..سيؤلمك الاشتياق

سيؤلمك بعدى

سيؤلمك هجرى

سيؤلمك المى

سيؤلمك تعبى

سيؤلمك الاشتياق

ستتالم كما تالمت

ستشتاق كما اشتقت

اعلم انك الان لا تبالى

لكن وعدا سيدى

ان الاشتياق سيؤلمك

ستؤلمك دموعى

سيجرحك جرحى

فانت من تركنى

وانت من جرحنى

وانت من خذلنى

وانت ايضا

من سيبكى كى ارحمه

من سيبكى كى اسامحه

لكنى لن ارحمك من لعنه عذابى

لن ارحمك من لعنه حبى

ساتركك تتالم بالشوق

وساراك...

لكنى لم اخضع كعادتى

وعندما تصل لما وصلت له

من الم وعذاب وشووق

ساتركك وارحل

ولن اعود

ساترك الشوق يالمك...