السبت، 8 نوفمبر، 2008

روح...


لما بنكون لوحدنا وبنفتكر ايام زمان
بيجى فى بالنا ناس للاسف مش معانا
فى دنيتنا دلوقتى بنفتكرهم وبنتالم لفراقهم
وبنتمنى انهم يكونوا معانا دلوقتى
بنفتكر ليهم مواقف وبنسمع صوتهم
وبنتخيل ضحكتهم...
كانهم قاعدين معانا دلوقتى
وبتبتسم شفايفنا غصب عنا
وبنعيش معاهم لحظه
بس لحظه....
وفجاه بنصحى على الم الواقع
ان الناس بتوع زمان
مش معانا واننا من غيرهم دلوقتى
ساعتها بنتمنى بس روحهم تطوف
حوالينا علشان نقولهم بجد وحشتونا

هناك 56 تعليقًا:

mohamed يقول...

عن الاحباء الذين رحلوا أسألينى

ولكن


لا لجلد الطبيب المصرى بالسعوديه1500 جلده هل يجلدوا الغربى او الامريكى

mohamed ghalia يقول...

وفجاه بنصحى على الم الواقع
ان الناس بتوع زمان
مش معانا واننا من غيرهم دلوقتى
ساعتها بنتمنى بس روحهم تطوف
حوالينا علشان نقولهم بجد وحشتونا
لفراق فعلا صعب
تحياتى

حزينه يقول...
أزال المؤلف هذا التعليق.
حزينه يقول...

محمد
ولم اسالك وانا اعلم الاجابه
الم ودموع وفراق وحياه بلا امل
اتلك هى الاجابه...؟؟

لا والف لا لجلد المصرى

حزينه

حزينه يقول...

محمد غالى
ومش صعب وبس
دا اصعب من الصعب
نورتنى

حزينه

أسير الجراح يقول...

ديما كلماتك بتاثر فيا

فعلا بجد كلمات مست قلبى وشعرت باحساس

لا ينسى

كل انسان رحل اكيد لية ذكرى


وفعلا بجد وحشونى اوى


مستنيكى فى البوست


اهنيكى على الشعور الجميل


كل الود


اسير الجراح

راجى يقول...

هم معنا بقدر حبنا لهم

blue-wave يقول...

لو احببناهم بصدق ستظل ارواحهم حولنا مدى الحياة

esraa يقول...

هم فعلا وحشونا

حزينه يقول...

اسير الجراح
نورتنى
مش فعلا وحشونا اوى..؟؟


حزينه

حزينه يقول...

راجى
فعلا هما ملازمين لينا
علشان بنحبهم اوى
الله يرحم موتانا كلنا


حزينه

عمو يقول...

بصى يا...
انا مش عارف انتى لية إخترتى الاسم دة بصراحة مش قادر اناديكى بية.

بصى يا بنتى

الذين رحلوا لن يرحلوا إلا عندما ننساهم.

قرأت كثيرا هنا مما تكتبين
وانتابنى احساس بعدم الاستقرار

علشان كدة هقولك على حاجة
لما الانسان بيحس انة تايه شوية والايام واخداه بيقف يبص لامبارح يشوف هو جاى منين علشان يعرف يحدد هو رايح فين .

جميل فيكى التأمل للى حواليكى
ودة بيبشر إن فيه هنا عينين مفتوحين . وقلب صاحي وعقل مدرك وواعى.
ودة بيسعدنى جدا

بس
:)

تحياتى

حزينه يقول...

بلو ويف
اها كلام جميل
ياليتهم يعلموا مقدار حبنا


حزينه

حزينه يقول...

اسراء
ازيك منورة
اه واله وحشونا اوى
ونفسنا نشوفهم ولو ثانيه


حزينه

حزينه يقول...

اهلا عمو
قولى يا ماسك

عندما ننساهم يبقى خلاص بجد ماتوا
يبقى خلاص بجد مش وحشنا
عندك حق

لو بصيت لامبارح حتعب اكتر ما انا
خلينى كدة وبدعى ربنا يهيدنى

بجد نورتنى
شكرا


حزينه

رئيس جمهوريه نفسى يقول...

حزينة
انا قريت البوست بتاعك الصبح ومرضتش اعلق علية وقتها يمكن علشان قلب مواجع ومش بحب اتكلم تحت ضغط الانفعال كتير بفتكرهم يمكن لانى الموت تخير ااقرب ما لية فى كثير من الاحيان بس بحتاجهم مش اقولهم وحشتونى يمكن لانهم ساكنين جواية بس بحتاج بجد اتكلم معاهم اضحك او ابكى معاهم يمكن بحتاج لحضن البعض منهم
بس عموما ربنا يغفر لموتى المسلمين جميعا

حزينه يقول...

رئيس جمهوريه نفسى
اسفه كتير على انى قلبت المواجع
بس اللى واجعك واجعنى
وياريتها هنا كنت بكيت على صدرهم كتير
يمكن ارتاح
نورتنى


حزينه

حبيبه يقول...

الفراق صعب اوي
انتي عارفة وانا باقرا البوست بتاعك فعلا افتكرت ناس كتيييييير اوي ومنهم اللي مش بيروح عن بالي اصلا
بوست حلو اوي تحياتي لكي

صوت من مصر يقول...

مش لاقى رد لكن الروح موجوده فعلا فى حياتنا وبنفتكر كل لحظه هى معانا فيها ؟

nona يقول...

و نتمنا لو يرجع بينا الزمن ولو للحظة واحدة عشان نقدر نقولهم اد اية بنحبهم و اد اية بنعشقهم واننا من غيرهم ضايعين و تعابنين و مش لقين حد يحبنا زيهم
هنقولهم يمكن ماكناش عارفين قيمتهم وماكناش بنقدرهم بس كنا بنحبهم يمكن ماجاتش الفرصة اننا نقول باعلى صوتنا بنحبك ومانقدرش نستغنى عنكم لان لو خيارونا اننا نموت معهم و الا نعيش من غيرهم اكيد نختار نموت معهم لان الحياة من غيرهم تعتبر موت فى زمن قل فية الاحباب بس يا رايت لو يرجعوا و لو لحظة واحدة كنا اكيد هنقول و نحكى كتير ونحول نمحى اى لحظة فاكرنا نزعلهم فيها رغم انهم مهما عمالنا برضة مش هيزعلوا و هيفضلوا يحبونا
لان هما الاى كانوا بيحبونا من غير تمن
وبرحيلهم رحلت معهم اشياء كتير
تفتكرى لسة العمر فية باقية نلاقى فى حد بالشكل دة و بالحب دة ما اظنش

الله يسامحك اختى قلبتى لية المواجع علينا

romansy يقول...

يااااااااااااااه فعلا والله
اقات كتير بتحصل معانا المواقف زى دى بس فجاه كده تلاقى الواحد سرح بعيد ليهم راح لهم وشافهم بلبسهم وكيانهم
ويرجع تانى وكانه حلم

اقصوصه يقول...

دايما نفتقدهم

المشكله ان اماكنهم

تبقى فارغه بغيابهم

وما يقدر يمليها حد

الله يرحمهم برحمته اجمعين يا رب

لحظة تأمل يقول...

مش عارفة اقولك ايه
بس انتى قلتى اهم حاجة.. روح

اللى باقى منهم روح نحس انها حوالينا
ونحاول نحس انهم جمبنا
او نغرق ونتوه شوية ونحس انهم معانا
وفى الاخر نفوق نلاقى مبقاش معانا غير روح

بس احلى روح
ربنا يرحمهم جميعا

تحياتى

د.محمد ربيع هاشم يقول...

الحزن هو السمة الغالبة دائما حينما نتذكر من تركونا أو من تركناهم سواء كان باختيارهم أو باختيارنا ،
أو كان إجبارا عليهم أو علينا
حزينة
لابد أن تنفضي غبار حزنك فالحياة خياراتها متعددة
فقط نعرفها جيدا
دمتِ بكل خير

حزينه يقول...

حبيبه
اسفه انى فكرتك بالاحزان
بس دة واقع حياتنا
انتى الاجمل


حزينه

حزينه يقول...

صوت من مصر
الروح معانا وفينا
بس الجسد فانى
والضحكه راحت معاه
نورتنى

حزينه

حزينه يقول...

نونا
علشان انتى رقيقه كلماتك اتوجعتى
كلماتك بتوصف احساس انا فيه
لا يا اختى زمن الاحباب اللى بجد راح مع اللى راحوا
اعذرينى اتالم مثل ما تتالمى
نورتى صفحاتى


حزينه

حزينه يقول...

رومانسى
ولما نفوق من الحلم
القلب بيتوجع اوى والحياه بتقف عليهم
هما وبس
اهلا بيك

حزينه

حزينه يقول...

اقصوصه
اماكنه فاضيه فى الواقع
وفاضيه كمان فى قلوبنا
امين يارب العلمين

حزينه

حزينه يقول...

لحظه تامل
نورتينى
فعلا احلى رووووح

حزينه

حزينه يقول...

د\محمد
اول مرة عندى فى المودنه
كلامك جميل
نورتنى
الحزن قدر

حزينه

انا حره يقول...

الحمد لله الف حمد انى مجربتش الاحساس دا

حزينه يقول...

انا حرة
اهلا حبيبتى
الحمد لله
ربنا ما يخيلكى ابدا تحسى بيه


حزينه

كـــيــــــــارا يقول...

وحشتني ياجدي

سمكه وحده يقول...

تعرفي يا حزينه فعلا والله
واكتر حاجه واكتر وقت بليل بذات وتفتكري حجااااااااات
ياه مش عارفه اقول فعلا غير

وحشتونا اوي اوي
ومفتقداكم اوي اوي اوي

شكرا ليكي ياستي انك فكرتينا ولون منسناش علشان نفتكر
بجد كلام صح اوي
تحياتي

حزينه يقول...

كيارا
الله يرحمه
اسفه انى فكرتك بيه
بس باين انك مش ناسياه اصلا

حزينه

حزينه يقول...

سمكه وحدة
الليل بيفكرنا
الليل بيصحى جوانا حنين
بس حنين بيوجعنا
علشان لما الصبح بيجى عارفين اننا بردة مش حنلاقيهم
نورتنيى

حزينه

Geo Amr يقول...

لا نملك لهم سو الدعاء هم فعلا عايشين معانا باعملهم وذكرياتهم الطيبة

MISS\GH يقول...

بحييكى من كل قلبى على المدونه الرائعه
وموضوعاتك الجميله بس بعتب عليكى ليه تبقى مدونه بالجمال ده وانتى حزينه اتمنالك من كل قلبى كل الحب والسعاده

أحمد عبد الفتاح يقول...

عن الأحباب الذين رحلوا
حكايات..
والأفضل أن ننسى

emey يقول...

لية الحزن دة اْنتى لسة فى ربيع عمرك اللى راح راح مش هنبكى علية راح بحلو وبمرة ربنا عايز كدة منزعلش ونقول الحمد الله ونبتدى حياة جديدة سعيدة مع ناس تانى الحياة لم تتوقف اْرجوكى لا تحزنننننننننننننننننننننننننى عندما قراْت المدونة تمنيت اْن تكونى صديقتى واْخفف عنكى اْحزانك

mnoon يقول...

بصى ياحزينه
متستسلميش للحزن أبداً
وكل ما تفتكرى الناس دى
صبرى نفسك
الحياه دى قصيره قوى
وإن شاء الله هتتقابلى على أحبابك
أنا جدتى
لساها ماشيه
وسايبه لنا الدنيا من 4 أيام
وحتى الأن بسمع صوتها فى كل حته فى البيت
ولما برجع من بره بفتكر إنى هشوفها
بس مش بلاقيها
خلااااااص بقى
بصبر نفسى
وبقول مسيرنا يوم هنتقابل كلنا من تانى
ربنا يرحم جميع أموتنا

الفقير الى الله يقول...

السلام عليكم ورحمة الله وبركاته
اممممممممممممممممممممممم
* وحشتوني:
بجد بجد انا مجرب الاحساس ده انا عشت فترة الثانوي بالسعودية ومات من اصحابي 4 من نفس سني عندما اتذكرهم اقلهم وحشتوني

لاكن هيا ده الحياة وهما السابقون ونحن اللحقون
تحياتي

حزينه يقول...

Geo Amr
طبعا بندعيلهم
مش بقى لينا غير الدعاء دلوقتى
نورتينى

حزينه

حزينه يقول...

MISS\GH
وجودك الاحلى
نورتينى وياريت تتكرر

الحزن قدر

حزينه

حزينه يقول...

احمد عبد الفتاح
ننسى لا نسطيع نسيان
روحنا....!!
نورتنى


حزينه

حزينه يقول...

emey
حبيبتى بالفعل انتى صديقتى
بكلماتك الرقيقه حبيتك

الحزن قدر

نورتينى بجد ادعيلى


حزينه

حزينه يقول...

mnoon
البقاء لله
اشعر بما تشعرين
لذلك قلبى معكى
طالما انتى صابرة
ساتعلم منكى وساصبر
نورتينى


حزينه

حزينه يقول...

الفقير الى الله
جرحك كبير اوى
ربنا يصبرك
عندك حق
وحشتونى

حزينه

الازهرى يقول...

صديقتى الحزينة

اسعدك الله دوما

الفراق هو اصعب ما نواجهه

ولكن فى النهاية لا نجد الا ان نرضى بقضاء الله

تحياتى واعنذارى عن التأخير

Gilan يقول...

يااااااااااااااااااااااااااااااااه
يااااااااااااااه ياه ياه
جيتى اوى على الجرح

صعب اوى بجد

حزينه يقول...

الازهرى
ربنا يساعدنا على تحمل سكين القلب
الفراق
نورتنى
ولا يهمك بس مش تغيب تانى

حزينه

حزينه يقول...

Gilan
نورتينى
ومعلش اول زيارة ليكى كدة اوجعك
بس انشاء الله تتكرر وتبتسمى

حزينه

م/ الحسيني لزومي يقول...

من اجل مصر
شارك في الحملة الشعبية للقيد بالجداول الانتخابية وادعو غيرك
ضع بنر الحملة علي مدونتك
البنر موجود علي مدونتي
ارسل ميلك اذا كنت ترغب في وضع البنر نرسل لك كود البنر

غير معرف يقول...

福~
「朵
語‧,最一件事,就。好,你西...............................................................................................................................-...相互
,以讓>它使...................

غير معرف يقول...

كلامك وجعني جدا جدااا وبكاني جدااااااا