السبت، 1 نوفمبر 2008

القاهرة وعمرو...




السلام عليكم اولا
يارب تكونوا كلكم بجد بخير من غير حزن ولا جروح
القاهرة اليوم
او
عمرو اديب
مين فى مصر مش بيتفرج على البرنامج ده...؟
كنت فى الاول بقول ان البرنامج دة احسن برنامج فى الدنيا
وكنت بقول ان عمرو اديب ده مادام بيناقش حاجات مهمه كدة فى البلد
يبقى لازم حد حيتصدرله وحيعمل فيه حاجه وكنت بحب كلامه اوى مع انه
ساعات بيقطع المكالمات وبيستضيف ناس مالهاش لازمه بس كنت بحبه بردة
لحد مالقيت اراء ناس كتير ناس بتحبه اوى... وناس بتحترمه اوى.... وناس بتكرهه اوى
وبقيت مش عارفه مين هو معانا ولا مع الحكومه بس مش عارفه مع ان الاراء اختلفت بس بردة بحب
البرنامج والناس اللى بتقول انها مش بتحبه بردة بتتفرج على البرنامج يعنى بحس ان برنامج غير اى برنامج
واكيد فاهمين قصدى....!!

هناك 30 تعليقًا:

Unknown يقول...

i like......

حزينه يقول...

اهلا
جود جيرل

وانا كمان بحبه كتير




حزينه

Unknown يقول...

حتي لو بيختلفوا معاه ده مايمنعش انهم يتفرجوا عليه

يمكن في حاجات مش بتكون صريحه اوي او بيحصل عليها تعتيم لكن اعتقد انه أحسن من غريه

blue-wave يقول...

عمرو اديب راجل محترم وبرنامجه بحبه جدا عن نفسى

بنت الاسلام يقول...

انا واحدة من عشاق عمرو اديب برنامجه واسلوبه وطريقة عرضه انا فاكرة اول ما تابعت البرنامج ده مكنتش اعرف انهم بياخدوا شهر 8 اجازة وعرفت ليلة الاجازة اتصدمت وعملت مناحة وكتبت كمان في قصيدة شعرية

بصراحة التلفزيون عندي اساسا يعني القاهرة اليوم والقاهرة اليوم يعني عمرو اديب

بس ده طبعا مش معناه ان عمرو اديب ملاك نازل من السما ولا كلامه قران منزل وارائه هي الصح مليون في المية هو كاعلامي رائع قدر يوصل لقلوب الناس اما بالنسبة لارائه فاعتقد ان كل انسان حر يكون له فكر وراي خاص بيه حوالين اي قضية او موضوع وكون انه قدر يكتسب حب وكره فدا معناه امر واحد بس انه ناجح ناجح جدا

تحياتي

صابر وراضى يقول...

وعليكم السلااااااااااام
مصر فيها ناس كتير محترمه متلك
ومتل عمر اديب

انا حره يقول...

بصراحه مش متابعه البرنامج لانى مش بحب التليفزيون اساسا

بس سيبك انتى واحشانى موت ياحزينه

حزينه يقول...

طبع احسن من غيرة كتير
بنشوف دلوقتى برامج بجد تكسف
نورتينى يا اسراء



حزينه

حزينه يقول...

بلو ويف
مش فى حد قال حاجه
وانا من الناس اللى كتير بحبه
اهلا بيك


حزينه

حزينه يقول...

بنت الاسلام
دة بالظبط اللى انا عايزة اقوله
ان عمرو اديب بيعرف يدخل جوانا
ويوصل حاجات غيرة مش قادر يوصلها
وانا كمان بزعل اوى فى شهر 8 على فكرة
نورتينى


حزينه

حزينه يقول...

صابر وراضى
نورت مدونتى
اكيد مصر فيها كتير حلوين
شكرا


حزينه

حزينه يقول...

انا حرة
بردة سيبك من البوست
انتى اللى وحشانى اكتر


حزينه

بنت مصريه يقول...

والله يا حزينه
انا شوفتله حلقات كتير حلوه وحلقات كتير مايصحش انها تتذاع اساسا

فهو ليس اعلامى جيد جدا ولا اعلامى سىء جدا
هذا رأيى
دمتى بكل خير

صوت من مصر يقول...

عمر اديب من الممكن ان يكون الافضل لكن فى وطننا فقط ؟

حزينه يقول...

بنت مصريه
عمرو بيذيع بصوت الشعب
وساعات بيذيع بصوت الحكومه
بس فى الاغلب بيكون معانا
ومع رغيف العيش
نورتينى


حزينه

حزينه يقول...

صوت من مصر
ليه عمرو ممكن يكون كويس فى كل مكان
مدام احنا هنا اقتنعنا بيه
يبقى اللى هناك حيقتنعوا بيه


حزينه

Unknown يقول...

السلام عليكم
ورحمة الله تعالى وبركاته
عمرو اديب وغيره معمولين بأذن من السلطات وبيقولوا بأذن من السلطات
وكل شىء تحت السيطرة الرسمية وأن بدا لك انه عكس ذلك .هم ما اسميهم انا مثل صمام الامان فى حلة الطبخ بالضغط(بالبلدى: الحلة البريستو) يطلعوا شوية بخار من جوة لكن لا بيحلوا ولا يربطوا وأعتقد انت فاكرة لما ابرهيم عيسى (طلع بره السيناريوا)المرسوم حصل له ايه؟من اول القضية لحد العفو الرئاسى!!!!!
حبيبتى نصيحة لا تشغلى بالك بهم كلهم!!!
وعفوآ للاطالة.

"النجم القادم" يقول...

السلام عليكم

اختى الفاضلة اعزكى الله

هو البرنامج حلو ومش وحش وبيناقش قضايا

ولكن هناك بعض الشخصيات

هى من تعكر صفو الحوارات التى تحدث

واننى ارى انه تابع للحكومه وامن الدولة

والدليل وجود مخبر امن الدولة احمد كوسى

وحمدى رزق اظن من لم يعرف هؤلاء

فلم يعرف اكثر شخصيات تكره الاخوان

اختى هو برنامج حخلو ولكنه بداء ان يصبح مخومخا

حزينه يقول...

نورهانتى
كلامك جميل اوى وفكرتينى بابراهيم عيسى بجدمن الشخصيات اللى كتير بحترمها
نورتى المدونه بكلماتك النوريه


حزينه

حزينه يقول...

النجم القادم
حمدالله على السلامه الاول
ايه فى مصر مش مخموم على الاقل البرنامج دة
مخموم بس الشعب بيحبه



حزينه

سمكه واحده يقول...

بصراحه عمرو اديب بقول عليه يا بختوا بجد من ضمن ناس كتير يابختهم لانه
في الصيف مش بيبقي حران بسبب ان دماغه مش عليه شعر يحرره
ولكن في الشتا بيصحب عليا بحس انه سقعان لانه مفيش شعر علي دماغه يدفيه يمكن ده سبب انه بيجيب كل جديد وجديد لانه واصل مفيش ساتر ههههههههه
طبعا بهزر والله
ده راجل كوبره وبحترمه سمعت ان البرنامج جميل جدا رغم اني عمري ما شفته بس ديما ماما بتقول جه كذا وحصل كذا يعني هو اعلامي اكيد ناحج بس لاهو ناحج اوي ولا فاشل بس بحترمه لانه بيجيب قضايا كويسه
وصوته عالي بينرفز هههههههه
تحياتي ومتزعليش من رخمتي بحب اهزر
بس بجد سمعت ان البنامج بتاعه جميل جدا
يارب يكون مودك حلو علشان تستحملي هزاري ومتضيقيش مني
سمكه

أحمد عبد الفتاح يقول...

البرنامج قوي فعلا
:D

حزينه يقول...

ٍسمكه وحدة
انتى عسل اوى وقمر كمان
وجودك كتير خفيف عليا
واسعدنى كمان
بس لازم تشوفى البرنامج يمكن
تحبى تضيفى حاجه لو شفتيه
نورتينى واسعدتى صفحاتى بالكتابه هنا


حزينه

حزينه يقول...

احمد عبد الفتاح
اهلا بيك
نورتنى



حزينه

اقصوصه يقول...

والله انا للاسف ما سبقلي مشاهده هالبرنامج:)

الازهرى يقول...

صديقتى العزيزة

انا اول واحد فى القائمة لا اتفرج عليه لاننى لا اجد الوقت للتليفزيون من الاساس

اما بالنسبة لعمرو اديب فاتذكره منذ لقاؤه مع الرئيس واعتقد انه من اسلوبه اعلامى ناجح
ولكن لم الا له سوى هذا الموضوع الذى لم يعالج بشكل جيد ربما لاسباب خارجة عن ارادته

تحياتى

رئيس جمهوريه نفسى يقول...

انا مش حقدر احط موقف معين بالنسبة للبرنامج لانى مش متابعى التليفزيون عموما بصراحة بفضل القراية اكتر عن التليفزيون

حزينه يقول...

اقصوصه
ولا يهمك بس لو تابعتيه ابقى
قوليلى تعليقك عليه


حزينه

حزينه يقول...

الازهرى
نورتنى
فعلا عمرو اديب اسلوبه كتير حلو ودة سبب اساسى فى شعبيته


حزينه

حزينه يقول...

رئيس جمهوريه نفسى
ولا يهمك
بس لو تابعته ابقى قولى ايه رايك


حزينه