السبت، 15 نوفمبر 2008

60...؟؟


بقى عنده ستين سنه بقت عندها ستين سنه
يعنى طلع وطلعت على المعاش
المفروض يسموه سن الخوف
والانطوائيه....
مش عارفه هو صح ولا غلط يطلعوا العاملين فى سن الستين
بس كل اللى بشوفه ان اللى بيطلعوا عل المعاش بيتعبوا اوى بعدها
بيحسوا انهم بقوا مش ليهم لازمه خلاص
وبيقعدوا فى البيت من غير ما يعملوا حاجه
وبيتعصبوا لاتفه الاسباب
وكمان بيفكروا ان اى حد بيتكلم بيتكلم عليهم
ولما فكرت لقيت ان بردة مش ينفع
يستمروا بعد الستين
امكانيتهم على الشغل حتقل
وكمان الشباب كدة حيستنوا عمرهم كله علشان
يشتغلوا
مش عارفه لما يطلعوا على المعاش فى سن الستين صح ولا غلط....؟؟
بس كل اللى انا عارفاه انهم بيتعبوا اوى اوى.....!!!!
اختكم
حزينه اوى

هناك 50 تعليقًا:

romansy يقول...

سن الستين دا سن جميل بس لاسف مش عندنا فى مصر
فى الدول الاوربيه بيقولوا ان العمر الحقيقى بيبتدى بعد الستين لانه اكتسب خبره كبيره فى مجاله ممكن يفيد بيها نفسه وكمان اللى حواليه
بس فى مصر
مختلف تماما

أميرة يقول...

السلام عليكم

دي اول مرة اجي بالصدفة لسه هقرأ باقي المواضيع بس لي تعليق مخالف شوية للي بتقولي عليه بخصوص ال 60

امي بقالها سنين تنتظر بلوغ ال60 علشان ترتاح من الشغل و المشوار اللي اصبح بيجهدها بالرغم من قصر المسافة بين عملها و منزلها

و لما قربت دلوقتي علي سن المعاش بقت فرحانة انها اخيرا هتتخلص من ارتباطها و ترتاح باه بعد ما شقيت و تعبت سنين

عندها خطط كبيرة و قوية ازاي هتقضي الوقت الجاي ان شاء الله ربنا يباركلها فيه ويديها الصحة والعافية يارب
عندها مشاريع و خطط ناوية عليها مش ناوية للاستستلام و التفكير في الانزواء وانه سن اليأس

معذرة علي الاطالة :)

السلام عليكم

blue-wave يقول...

هيا دى مشكله فعلا
بس دى سنة الحياة

الازهرى يقول...

صديقتى حزينة

ليس ظلما ان يتوقفوا عند سن الستين

سواء نظرنا للامر من زاوية ترك الامور الى عقول وافكار جديدة
او توفير فرص عمل لمن بعدهم
او اى فرض اخر

المشكلة فى تعبهم ان تعليمنا لا يحتوى على النظرة المستقبلية
فهم لم يستعدوا لحياة ما بعد الستين مما ادى الى وجود فراغ فى حياتهم
اما اذا تم الاعداد لها جيدا فن يجد اى من منهم تعبا

تحياتى دوما

Unknown يقول...

مش لازم انهم عشان مش هيشتغلو انهم يحسوا ان خلاص معدش ليهم لازمه

واعتقد ان ده بيكون دور الناس اللي حواليهم

أمل حمدي يقول...

ليه يا حزينة حزينة قوي كمان

مش كفاية حزن حبيبتي

البوست عاطفي

هو ممكن الرجل يشعر بالشعور اللي انت قلتيه

لكن المرأة واسأليني انا نفسها تطلع المعاش من سن 44 سنة

هاتقولي اشمعنى 44 لانه سني هههههههه

ونفسي ارتاح بجد واتفرغ لهوايتي

ولصحتي

المشكلة دي ليها وجهات نظر مختلفة

واختلاف الرأي لايفسد للود قضية

دمتي حبيبتي بكل الحب

حزينه يقول...

رومانسى

اول تعليق

فى مصر سن الستين سن النهايه
يعنى من بعد الستين نهايتك
والله النظام فى مصر دة حيودينا لورا

حزينه

حزينه يقول...

اليس فى بلاد العجائب
نورتينى واتمنى مش تكون اخر زيارة

مامتك اولا سيدة يعنى بيتها ليها مشاريع كتيرة اوى
انما الرجاله يمكن بيتعبوا اوى اكتر من النساء
ربنا يخيلها ليكى وتسعد بعد الستين


حزينه

حزينه يقول...

بلو ويف
اهلين
دايما منورنى
سنه حياه صعبه اوى


حزينه

حزينه يقول...

الازهرى
انا معاك بس تخيل معايا
60 سنه بيشتغلوا حاجه معينه وفجاة
تتغير الحاجه دى
اكيد حيتعبوا اوى

حزينه

حزينه يقول...

اسراء
اهلا حبيبتى
يارب تكونى بخير
مهما حاولوا الناس اللى حواليهم بردة الاحساس بيبقى صعب عليهم اوى

حزينه

حزينه يقول...

ماما اموله
دائما تسعدينى بطلتك على المدونه
يمكن انا بتكلم من ناحيه الرجال اكثر لانهم مش متعودين على البيت ولا القاعدة فيه بتمنالك طولت العمر حبيبتى

الحزن قدر

حزينه

"النجم القادم" يقول...

ايه الضلمة اللى عملاها دى

نوريها كده وفكيها علشان ربنا يفكها علينا

ههههههههههههههه

ربنا يعزك يارب

تعرفى سن 60 ده دماغ اهو يكون استريح

حزينه يقول...

النجم القادم
مدام انت فى المدونه يبقى اكيد
نورت

ياريته يبقى كدة فعلا علشان اللى بيطلعوا على المعاش مش يكتابوا

حزينه

ابو على يقول...

الرفيقه حزينه:d

هو الفرق ف كل دا او اللى بيعمل مشكله ف كل دا مش حكايه ستين ولا سبعين ولا حتى خمسين
اللى انتى بتتكلمى فيه دا اسمه الوحده بعد سن الستين بالنسبه لللناس اللى بتشتغل
يعنى بعد ما كان ليك وقت وبتستمره ف الشغل دالوقتى بتدور ازاى تشغل وقتك
كان ليك اصحاب كان ليك زمايلك كان ليك حياتك ممكن بعد كل دا يبعدو عنه ويحس انه عجز وملوش لازمه
صدقينى احساس الستين دا مش بالسن
دا احساس يا بنتى حتى لو كنتى ف العشرين من عمرك
سلام

Kiara يقول...

بصي معاش مش معاش لما بنوصل للسن ده بيحسو ان خلااص اهميتهم راحت واصل كل حد المسئوليه هي الليبتحركه وبتحسسه انه عايش

وعشان كده اللي راحو علي المعاش اغلبهم بيعملوا مشاريع


عشان يشغلوا في نفسهم

حزينه يقول...

ابو على
نورتنى
طبعا الاحساس بيختلف بعد ماكان ليك روتين فى حياتك لستين سنه
دلوقتى اتغير واتغير للاسوا اتغير للوحدة
والانطوائيه

حزينه

حزينه يقول...

مولان
نورتينى
ياريت اى حد يطلع على المعاش يلاقى اللى يشغل وقته علشان احساس الوحدة دة احساس صعب اوى
بس مش كل الناس بتقدر تعمل مشاريع للاسف

حزينه

المستنصر بالله يقول...

شايف انه عادى بس لو الواحد قدر يعمل حاجه بعد سن الستين ويفضل يعطى او حتى ممكن يدرس اى شئ لو عنده المقدرة
مدونتك جميله مع انها حزينه

تحياتى

حزينه يقول...

النستنصر بالله
نورتنى
اها بس فى ناس بيغلبهم الحزن
والانطواء

الحزن قدر

حزينه

((..همـ قلب واحد يجمعنا ـسات..)) يقول...

المدونة الفاضله : :
..نتمني لكِ مزيدا من التقدم والنجاح
وان تكون مدونتك معبرة عن صوتك في كل مكـــــان
.. .. .. ... ..
سعيا منا بأن نجعل من علاقتنا روحاً اكثر حباً وتواصلاً
وبأن نجعل من صوتنا قوة أكثر انتشـــاراً وتأثيــراً .. ..
وبأن نرتقي بفكرنا ...وثقافتنا ...وعلمنا ...وخلقنا ..
.. .. .. ... .. .. ..
ندعوكي للمشاركة معنا في رابطه همســات . . .
...أول رابطه عامة تختص بالفتيات المدونات .....
شاركينا الانطلاقه ..وكوني احدي اعضاء همسات وشاركينا
اجتماعنا الاول ...لتكون همسات .. قلب واحد يجمعنا
فمعاً . . . . . نلتقي .. لنرتقي

تحياتنا ::
(( فريق العمل بهمسات ))

حزينه يقول...

((..همـ قلب واحد يجمعنا ـسات

اهلين نورتونى
اكيد لازم اشارك معاكم


حزينه

اقصوصه يقول...

فعلا معاج حق

بس اعتقد ان الحل

ما يكون بانهم يستمرون فالعمل

الحل بأنهم يلقون شي مفيد

يسووونه بعد التقاعد

يعني مثلا يفتحون مشروع خاص فيهم

ويهتمون بإدارته

وينشغلون فيه

او يلتحقون مثلا بعمل تطوعي

يناسب امكانياتهم

ويملي اوقات فراغهم

اهم شي انهم بعد التقاعد

ما يتركون انفسهم فريسه للفراغ

لانه هالشي بيدمر نفسياتهم اكيد

الله اعلم احنا يوم بنكون فهالعمر

شو بيكون شعورنا يا ترى؟

سعت بمروري من هنا :)

حزينه يقول...

اقصوصه
انا اللى سعدت اكتر بوجودك
على صفحاتى

حزينه

حـــــدوتـــــة يقول...

السلام عليكم

الانسان الكفء بيشتغل فى اى سن وفى اى وقت
لكن اللى معتمد على شغل الحكومة والمرتب الميرى
يقعد فى البيت احسن

سلالالالالالالالالالالالالالالالالالالالالالالالام

حزينه يقول...

حدوته
ايه النور دة
طيب
اللى مش قادر غير على شغل الحكومه واتحال على المعاش يعمل ايه

حزينه

عمو يقول...

ماسك

حاجة فعلا غريبة انا مندهش لها جدا
كل التعليقات دى
ومن أعمار مختلفة

وأبد محدش قال اننا لينا دور ومسؤلين عن دة !!!!!!!!!!!


بيتهيألى إن من هنا يبدأ وقت رد الجميل دة لو ماكانش متأخر جدا

يعنى
الترفيه عنهم والاهتمام بيهم وتقضية وقت أكتر معاهم ومشاركتهم فى إهتمامتهم

يعنى
بالظبط زى ما كانوا بيعملوا معاكم وانتم صغيرين

الدنيا أخد وعطا
ولا أيه


تحياتى

حزينه يقول...

عمو

يعنى ايه ماسك...؟؟

نورتنى
وكلامك صح جدا جدا
مع ان فى ناس كانوا مفتريين يستاهلوا بس
بردة لازم نكون جنبهم عندك حق

حزينه

غير معرف يقول...

من عيوبنا الكتير، إن أغلبنا بيقضي حياته بين الشغل والبيت والتليفزيون والصحاب... بعد الستين، الشغل بيروح، والبيت من كتر الأعدة فيه، بيصبح مملا، وكذلك التليفزيون أو الجرائد، أما الصحاب فمهما طال لقاؤهم، موش هيكون أكتر من سويعات قليلة، بعدها يرجع كل لحاله... للأسف، أغلبنا لا يعرف لكلمة هواية من معنى... الرياضة لا نعرف عنها إلا الفرجة على كرة القدم... القراءة نعرفها فقط من خلال الجرائد... تعريفنا للستين للأسف لا يخرج عن إنها سن يستغنى فيه عنا، في حين أنها السن التي نستعيد فيها حريتنا!

صوت من مصر يقول...

عارفه لما يكون عندى ستين سنه هعمل حاجات حلوه قوى اولها هطلق مراتى واتجوز بنت عندها 20 سنه كده عشان اتدلع ولا ايه ؟

حزينه يقول...

هنا وهناك
والله عندك حق
بس هو دة نظام المصريين
اللى بيتهيقلى عمرة ما راح يتغير
نورتنى

حزينه

حزينه يقول...

صوت من مصر
مع انك متاخر عليا
بس مش حتهون عليك
ولا ايه..؟


حزينه

kochia يقول...

المشكلة عندنا احنا بنوقف حياتنا عند سن الستين
ليه مش نحاول نستمتع بنوع وشكل جديد من الحياة ؟؟

صوت من مصر يقول...

صح مش هتهون علشان كده انا مش حزين ؟

Unknown يقول...

ساكتفى ب لان صدقينى لا كلمات فانا اعلم ذلك الشعور جيدا

ساكتفى ب :(

شكرا لرقتك قبل حزنك

سامشى

حزينه يقول...

kochia
اهلين
هو كدة الوضع فى مصر
بيخلينا بعد الستين كاننا متنا


حزينه

حزينه يقول...

صوت من مصر
ربنا يجعلك سعيد دايما

حزينه

حزينه يقول...

البحث عن انا شىء جنونى

وانا ساكتفى بنورتنى
وكان الله فى العون

حزينه

حاسوباتيه يقول...

بصي هو طبعا لازم يبقوا على المعاش للاسباب الي قولتيها بس مش معنى ده انهم خلاص بقى كده انتهوا لا ممكن بس مافتكرش جه موجود ان جمعيات مثلا تعملهم نشاطات لكبار السن اي نشاطات حتى تحسسهم ان مابعد المعاش بدايه جديده لحاجات حلوه مش معناه موت بطئ ليهم او نهايه وفعلا زي ما رومانسي بيقول بره بيعتبروا العمر الحقيقي بيبدا بعد الستين بس ده بره بقى للاسف

حزينه يقول...

حاسوبتيه
نورتيى صفحاتى
بتمنى والله يهتموا شويه
بناس الستين دول على الاقل
تقدير للستين سنه اللى عاشوها


حزينه

Abo 7anf يقول...

السلام عليكم

ليه البعد الستين ميفكرش يستمتع بحياته
يرتاح

مهو تعب طول عمره شغل

المفروض ان اولاده يطلبوا منه انوا يرتاح
مش يحسسوا انهم بيتكلموا عليه

علشان كدا لازم الواحد يفكر فى كدا
ويعمب حساب الايام دى
ولو غاوى شغل
يبقى يدير مشروع خاص بيه من بدرى شويه
مش لازم يستنى الستين ويشوف يعمل ايه

حزينه يقول...

ابو حنف
اهلا بيك
نورتنى
بس فى ناس مش بتقدر تعمل اى شغل تانى
بالتالى بتحس بالغربه بعد الستين لطلوعها على المعاش وكمان فى ناس
بتحزن اوى لضياع المنصب والجاه


حزينه

... amr يقول...

احنا عندنا في مصر الموازين مقلوبة :(
فعلا برة سن الستين بيعتبروة بداية العمر و التمتع بالحياة .. احنا عننا ناقص يضربوهم بالرصاص زي خيل الحكومة
:(( ما عدا الوزرا و السيد الرئيس
دول لغلية مايموتو سياتك ... اصلة قدرنا . . .

DR.HAMAS يقول...

بعد الستين فيه ناس بيكون عندها لسة طاقة للعطاء

التقاعد فى هذا السن يقتل صاحبه

ارى انه لا يجب تحديد سن للتقاعد

بل يكون التقاعد على حسب تقرير طبى

و بالتالى فممكن الشخص يتقاعد قبل الستين

ان كان صحته لا تسمح

و كذلك يتقاعد آخر عند الثمانين

لانه لم تزل صحته تسمح

و الله اعلم






د.حماس

حزينه يقول...

قمر
مش اى قلبه دى قلبه سودا
الريس يفضل ما بينا لحد ما يموت
حاجه صعبه

نورتينى

حزينه

حزينه يقول...

دكتور حماس
صح
هو دة اللى المفروض يحصل بس تقول لمين بقى


حزينه

السينيور يقول...

مهما كانت الاسباب
اوعى تكونى حزينة
دي سنة الحياة
ولو ليكي حد طلع على سن الستين
خليكي انتى بسمتة وضياه

حزينه يقول...

شاب مصرى مفروس
بجد بجد اسعدنى وجودك
فعلا ليا حد حيطلع على المعاش بس للاسف
مش ينفع اكون زى ما انت بتقول

الحزن قدر

حزينه

maioya يقول...

بالعكس انا شايفه لما هوا وهيا
يفضوا بعد الستين تبقي حاجه كويسه اوي
علي الاقل العمر الوحيد اللي
بيبقوا ديما فيه سوا
يفرحوا بالايام الباقيه في عمرهم سوا:)

حزينه يقول...

مايويا
يا سلام على الرومانسيه
نورتينى

حزينه