الخميس، 11 ديسمبر 2008

صعب


السلام عليكم
يارب تكونوا بخير
التاج دة جالى من مدونه
صوت من مصر
انا اصلا مش اعرف يعنى ايه تاج
كل اللى اعرفه انها اسئله بتتسئل
وانا اكتر حاجه بخاف منها هى الاسئله دى
اسمحولى اضايقكم شويه باجاباتى...
ماذا يمثل لك العيد ؟ وما أكثر شئ يبهجك في مظاهر العيد ؟
العيد يوم اجازة وبندبح فيه.... ماما بتبقى اجازة.
اوصف لنا طقوسك في العيد .. من ليلة العيد لآخر يوم ؟
الوقفه بفضل سهرانه لوحدى ومش جايلى نوم.. اول يوم طقوس اللحمه وتوزيعها تانى يوم عادى تالت يوم عادى رابع يوم هههههه عادى.
احكي لنا أطرف موقف حصلك في العيد ؟
مش عارفه يمكن علشان مش فى ويمكن علشان مش فاكرة.
بتحرص على تهنئة الأهل والأقارب والأصدقاء بالعيد .. ولا مش بتهتم ؟؟
لا مش بتصل بحد بس علشان انا خجوله بس ساعات كدة ناس معينه ببقى عايزة اعيد عليهم علشان بيكونوا واحشنى.
مين أول حد تزوره أو تكلمه في التليفون /الموبايل عشان تهنيه بالعيد ؟
مروة صاحبتى بس ساعات مش على طول.
إيه الفرق بين العيد الحالي .. وعيد (أيام الطفولة )؟
الحزن بزيد وعمرى بيزيد وبعقل.
تفتكر الحياة من غير عيد .. هتفرق كتير ؟؟؟
عادى يعنى عيد او مش عيد
إيه أجمل رسالة تهنئة بالعيد وصلتك .. قلنا طبعااا بتقول إيه ؟؟ ومن مين ؟؟
كل سنه وانتم طيبين نحبكم على رغم الفراق. من حد ظلمته وقسيت عليه.
لسه بتاخد عيدية ؟؟ من مين ؟؟ وبتديها لمين ؟
اللى كنت باخد منهم زمان ماتوا دلوقتى باخد من بابا وماما وبس.مش بدى لحد.
إيه رأيك في التاج ؟
جميل..متعب.
تحب تمرره لمين من المدونين ؟ اذكر على الأقل 10
انا حرة
حدوته
البحار
بلو ويف
رومانسى
مولان
الازهرى
كوشيا
قوس قزح

هناك 28 تعليقًا:

Unknown يقول...

اجاباتك ليه حزينة كدة؟؟؟

حزينه يقول...

اهلا باول تعليق
نورتينى
هى دى الصراحه

حزينه

صوت من مصر يقول...

تانى تعليق يعتبر صح
التاج وصل بس بلا اكتئاب مبقاش تاج عيد حرام عليكى
بس انا واثق انك بتحبى تتدبحى فى العيد بنفسك ؟
صح ؟
بهزر
كل سنه وانتى طيبه ؟.

حزينه يقول...

صوت من مصر
تانى تعليق
منور المدونه
هى الصراحه كدة عاجبكم ولا اكدب والله اكدب...
هههههه
انا انا ادبح انا....!!
كفايه عليا ادبح البنى ادمين
..........
وانت دايما طيب يارب

حزينه

حـــــدوتـــــة يقول...

السلام عليكم

اجاباتك جميله اوى
وفعلا العيد دلوقتى مبقاش زى زمان
تحسى كده ان فرحته قلت
او بقى عيد صينى زى كل حاجة فى حياتنا ما بقت صينى

سلالالالالالالالالالالالالالالالالالالالالالالالالالام

أسير الجراح يقول...

حزينة


لا طبعا العيد هو هو

ومش بيتغير احنا اللى بنتغير

شوفى الاولاد الصغيرين كدة بيستنو العيد علشان يخرجو

بس احنا اللى كبرنا او المسؤلية زادت علينا كل عيد وانتى طيبة

وبجد اجباتك جميلة بس حزينة جدا


كل التوفيق ان شاء الله فى القادم


كل التقدير والاحترام


اسير الجراح

Kiara يقول...

حبيبتي وحشاني ياقمر

اجاباتك جميله خالص

كل سنه وانتي طيبه

وميرسي علي التاج اخدته من كذا حد يعني شكلي هجاوبه هجاوبه عاااااااااااااااا

الوردة البيضا يقول...

من قراءتي لإجاباتك علمت كم أنت مصرة على التعبير عن اسم مدونتك (حزينة)!!
أتمنى أن تصبحي في يوم قريب على غير مسمى

تمنياتي لك بتوديع الحزن بغير رجعة
وزيارتك أكيد حتشرفني

أبو العريف يقول...

كل سنه وانت طيبه وياريت السنه الجايه تكوني مش حزينه
عيد سعيد

فارس بلا جواد يقول...

ليه صوتك مليئى بالحزن والاسى ليه غير حياتى الى الفرح والسعاده

حزينه يقول...

حدوته
مش كدة بردة
وبيقولوا عليا حزينه
دى الصراحه
او الواقع
لازم تجاوب على التاج

حزينه

حزينه يقول...

اسير الجراح
اهلين
احنا بنتغير والعيد بيتغير
حتى الاطفال مش بقت فيهم براءة زمان
وانت طيب
ربنا يخيلك

حزينه

حزينه يقول...

مولان
انتى اكتر
وانتى طيبه دايما
ايوا لازم تحليه

حزينه

حزينه يقول...

الوردة البيضا
نورتينى
الحزن قدر
ادعيلى بالهدايه
طبع لازم اشوفها

حزينه

حزينه يقول...

حد مش فاهم حاجه
وانت طيب
ياريت

حزينه

حزينه يقول...

فارس بلا جواد
الحزن قدر
ياريت

حزينه

kochia يقول...

اختي العزيزة
كل سنة وانتي بكل خير
واشكرك علي اهدائك التاج لي
وهو وصلني فعلا من كذا صديق وجاوبته وادعوكِ لرؤيته

اشكرك جدا
تحياتي

حزينه يقول...

كوشيا
وانتى طيبه يا حبيبتى
اوك لازم اشوفه

حزينه

رجل من غمار الموالى يقول...

كل عيد وانتى بخير
تحياتى

حزينه يقول...

رجل من غمار الموالى

وانت بخير
نورتنى


حزينه

wanna b a physician يقول...

ليه الدنيا مش تفرق من غير عيد او بيه
هو المتنبى بقا ولا ايه وعيد باى حال جئت يا عيد
يا استاذة مش ينفع نعيش دايما ونشوف الدنيا ظلمة وحزن
انا زمان كنت كدا على فكرة بس بطلت اتشائم مهما حصل او اشوف الدنيا سواد اوى يعنى باشوف نص نص
عشان يفضل فى امل فى رنبا تملى


تحياتى ويارب يتحول اسمك الى سعيدة قريبا

حزينه يقول...

wanna b a physician
طيب اشوفها ازاى منورة
قولى انت
بلاش تقولى قولى انت عملت ايه علشان تشوف الدنيا احسن...؟؟

ياريت
الحزن قدر

حزينه

حاسوباتيه يقول...

كل سنه وانتي طيبه ياقمر بس ليه الاجابات الحزينه دي ده عيد يعني مابنصدق نفرح افرحي

wanna b a physician يقول...

اقولك يا ستى
بافتكر اد ايه ممكن اكون بحزنى باعترض على قضاء ربنا وان ده ذنب كبير
وكمان لما افتكر ان فى ناس تعبانه اكتر منى باختلاف الاشكال فبلاقى انى مش اكتر يعنى انسان تعبان بالعكس فى ناس اكتر منى ومحتاج انى انا اقف جنبها واحسسها بالسعادة فباعمل ده وبانسى انى زعلان
يعنى لو انا متضايق مثلا انى تعبت شوية طيب ما فى ناس عندها امراض مؤلمة فى كل لحظة وبتموتها ولو متضايق ان حد ظلمنى
طيب مافى ناس مظلومه اكتر منى محتاج اللى يواسيها
ولو حد بيكرهنى طيب وايه يعنى ما فى ناس بتحبنى

وهكذا
هاستنى انك تقولى كلام فى فرح وبلاش حزن
سلام

اقصوصه يقول...

مبروك التاج

اجابات جميله

وكل عام وانتي بخير :)

حزينه يقول...

حاسوباتيه
نورتينى
الحزن قدر

حزينه

حزينه يقول...

wanna b a physician
ونعم بالله
رباه لك الحمد كما ينبغى لجلال وجهك وعظيم سلطانك
كلماتك تهون كتير

ان شاء الله
قول يارب

حزينه

حزينه يقول...

اقصوصه
وجودك الاجمل

حزينه