الجمعة، 6 نوفمبر 2009

وبعدين...!!!



عمرو الليثى كل يوم خميس بيجى البرنامج بتاعه

بنتفرج عليه وبنتابعه وبقاله كام حلقه كدة بيجيب العشوائيات اللى فى بلد

او بالاخص اللى فى القاهرة وبنشوف بجد ناس عايشين ومش عايشين ناس حالهم يصعب على الكافر

ناس غلبانه اوى والحكومه مش حاسه بيهم يقدر مسئول كبير كدة يعيش نص ساعه بس من غير ميه وكهربا ومجارى

وكل مرة تيجى الحلقه التانيه وبردة مش فى رد من المسؤلين وبردة الناس عايشه تحت الارض وبيعيوا وبيموتوا والمسؤلين ساكتين

طيب وبعدين..؟؟لحد امتى..؟؟ مش حرام اطفال زى الورد اول ما يتولدوا يعيوا مش حرام ناس اكبر امنيه ليهم شقه...!!

ليهم ربنا وعمرو الليثى وبعض الشرفاء...وحسبى الله ونعم الوكيل.

هناك 15 تعليقًا:

وردشان smilyrose يقول...

السلام عليكم

اخبارك يارب تكونى بخير

وردشان smilyrose يقول...

يابنتى هى دى بلدنا وهى

دى حكومتنا ومش هتتغير

لنا الله

وياما ناس مش عايشة

ومفوضة امرها لله

وعلى رايك حسبى الله ونعم الوكيل

حزينه يقول...

سمايل روز
********
الحمد لله يا قمر يارب انتى اللى تكونى بالف خير

حزينه

لا تـــشـــتــــاق يقول...

اما الناس دى هتتحاسب حساب ياجدعااااااان
دول سنينهم سوداء
والله بيصعبوا عليا الناس الى ماسكه البلد دى
دول هيتولع فيهم
جميل البوست والادراج وطبعا الموضوع مش بسيط
لكن الناس بق في غيبوبه للضمير والمشاعر والاخلاقيات
ربنا يستر

صوت من مصر يقول...

لا حول ولا قوة الا بالله

Ehab يقول...

لهم الله فقط يا صديقتي

فحتى عمرو الليثي او غيره ليسوا ملائكه كما تظنين

تحياتي
سلااااااااااااااااااام
اخوكي ايهاب

حياه بلا عنوان يقول...

السلام عليكم ورحمه الله وبركاته
جزينه مش برنامج عمرو وبس فى برامج كتير بردو كده بس للاسف بردو زى ما احنا شيفين مافيش اى حاجه بتحصل والناس بتموت من كتر المشاكل دى بس تفتكرى حد بيهتم واصلا حد بيشوف البرنامج وحتى لو شافو هما مش فاضين لكد
ده بالنسبلهم كلام تافه للاسف هما مشغولين بالمهم اللى هما شيفينو انو مهم طبعا ربنا ياستر ولسه ياما هنشوف
تحياتى

حزينه يقول...

سمايل روز
********
الناس دى بجد مش حاسه بالامان فى بلادها طيب تحسه فين بس..؟؟

حزينه

يا مراكبي يقول...

وبعدين؟

ده سؤال إستفهامي وألا إستنكاري؟

عموما في الحالتين هو مالوش جواب .. ما فيش بعدين .. من المتوقع أن يستمر الحال على ماهو عليه لأن النظام الحالي (الحكم - الإقتصاد - عادات المجتمع) من غير المتوقع أن تتغير تغييرا جذريا في المنظور القريب للأسف .. وهذا أمر شرحه يطول

حزينه يقول...

لا تشتاق
*******
منهم لله بجد
فى ناس محتجالهم اوى
وهما بيبعدوا اوى
نورتنى

حزينه

حزينه يقول...

صوت من مصر
**********
ربنا يرحمنا ويرحمهم برحمته

حزينه

حزينه يقول...

الشنكوتى الكبير
**************
انا مش قولتانه ملاك بس على الاقل بشر بيحاول يساعد بشر
وفعلا ربنا يرحمنا برحمته

حزينه

حزينه يقول...

حياه بلا عنوان
*************
فعلا زى ما يكون بننفخ فى اربه مقطوعه
المسؤلين مش هاممهم حاجه ابدا
لنا الله

حزينه

حزينه يقول...

م/ الحسيني لزومي
***************
اهلا بيك

حزينه

ابتسامة حزن يقول...

انابسمع البرنامج ده كل اسبوع وبشوف ناس تعتبر مش عايشه على وش الارض
بس مفيش بأيدى غير انى بحمد ربنا على النعمه اللى انا فيها