الثلاثاء، 13 أكتوبر 2009

مولد وصاحبه غايب...بس غايب اوى


مولد وصاحبه غايب..بس غايب اوى
مصر اه بتكلم عن مصر مولد كبير ومش ليه صاحب
المراه الحديديه سرقت ونهبت وسافرت وهربت
واحنا عادى...
انفلونزا الخنازير ومهازل فى المدارس المستخبيه
واطفال محدش بيسال عن صحتهم ولا عن احوالهم فى الفيرس....
الشيخ الجميل يطلع يشتم طالبه ومدرسه ويمنع النقاب
وبردة عادى....
العشوائيات اللى مصر وبهدله الشعب الغلبان اللى مش
بيعرف يقول لا فين اعضاء مجلس الشعب فين الحكومه...
الشباب اللى مش لاقى شغل وقاعد على القهاوى مين يساعدة
ولا لما بيغلط بيحاكموه...
كفايه كدة مع ان فقرات المولد لسه مستمرة
بس رجلى وجعتنى من اللف فى المولد ونفسيتى كمان وجعتنى
على مصر...!!!!!

هناك 14 تعليقًا:

Alaasalim2 يقول...

السلام عليكم

فعلا مولد وصاحبه غايب
دا أبلغ تشبيه لوضعنا الحالي
الظاهر إن الحكومه ليها شعب تاني غيرنا تهتم بيه وتشوف مصالحه

حياه بلا عنوان يقول...

السلام عليكم
عندك حق البوست جميل هو غايب جدااا
ومنتظرين انو يرجع مايفضلش غايب على طول البوست جميل
تحياتى

صوت من مصر يقول...

مولد صاحبه موجود ولا خايفين نقول اسمه

حزينه يقول...

علا سالم
******
اول تعليق
شعب تانى مش لما تقدر على الاولانى
نورتنى


حزينه

yoyo يقول...

هو مولد وصاحبه نايم مش غايب
بس ياترى هنفضل نلف فى المولد كدا وخلاص
ولا صاحب المولد هيصحى و يفض المولد وخلاص

ربنا يهون علينا يارب
دمت اختى بالف خير
تحياتى
يويو

yoyo يقول...

انا دخلت كدا ومش سلمت
مسائك سكر
ليه الغيبة الطويلة دى ؟!
مش تغيبى كدا عنا ؟!
يارب دايما منورة البلوجر

احساس لسه حى يقول...

عزيزتى

ما قولتيه نقطة فى بحر الموالد وياما فى الجراب يا حاوى


وربنا يرحمنا بما ابتلانا به من قادة

سلام

حزينه يقول...

حياه بلا عنوان
************
ايوا امتى يرجع
ويفض المولد دة

حزينه

حزينه يقول...

صوت من مصر
**********
لا يا احمد غايب
واللى فى بالك مش صاحب المولد

حزينه

حزينه يقول...

يويو
****
نورتى يا قمر
ياريت بقى يصحى ويلحق اللى باقى مننا

حزينه

احلام جوليا يقول...

تقصدي مولد وصاحبة بيقول ملوش دعوة دمتي يا حزينة واسعدك الله وعفاك

حزينه يقول...

يويو
*****
انتى اللى منورة يا قمر
ربنا يخيلكى
شكرا

حزينه يقول...

احساس لسه حى
************
فعلا فى كتير وكتير حاجات
فى المولد تعبانا
يارب فعلا يرحمنا

حزينه

حزينه يقول...

احلام جوليا
**********
عندك حق والله مصر صعبانه عليا
نورتى

حزينه