الأحد، 7 سبتمبر 2008

الفراق

دايما كنت اسمع ان الفراق صعب
كلمه كنا كلنا بنقولها وبتعدى علينا
عادى يعنى لما حد بيشتكى ويقول
الفراق صعب مش كنت بحس عادى
يعنى كلمه وحد بيقولها بس بعد ما
حسيت بيها عرفت هى اد ايه بتكوى
وبتجرح اوى وبتخلى الانسان عايش
بس مش عايش حاسس بحاجه جواه
حاجه كبيرة اوى ضايعه منه بلا رجعه
احساس غبى اوى انك تعرف ان الثانيه اللى
بتعدى مش بترجع تانى وان الانسان اللى انت
معاه دلوقتى ممكن كمان ثانيه واحدة يختفى للابد
اه من الفراق
كلمه من حروف بسيطه بس هى تشمل اكبر معانى
الالم والعذاب العذاب الذى يجعلك اسير للدموع وعبد
للتفكير ورسول للحنين الكبير .........

هناك 16 تعليقًا:

yamen يقول...

الفراق..

كلما اقتربنا من بعضنا..صار الفراق اقرب

تحياتي

جوجو يقول...

السلام عليكم

انا بحيكى على البوست الجميل ده

انا عارفة اد ايه المعاناة من الفراق

لانى جربتها من اققرب الناس ليه

ربنا يصبرك ان شاء الله

كل سنة وانتى طيبة

تقبلى مرورى

تحياتى

أخـــ مسلمة ـــت يقول...

صح عندك حق
الفراق صعب جدا
خصوصا لما تبعدي عن حد هو الوحيد اللي بيفهمك وبيخفف عنك
أنا عشته اكتر من مرة
واخدت وقت كتير جدا علي بال ما اتاقلم
ويمكن اثاره عندي موجودة الوقتي

لكن من ناحية تانية
حسيت انه ربنا-سبحانه وتعالي- بيخلي الناس تبعد لفتره علشان لما تضايقي ترجعيله وتلاقيش غيره
وده الاصل
اننا نتوجه الي الله
طبع االصداقة والاخوة اجمل شئ في الدنيا
لكن ان الواحد يشتكي لربنا سبحانه وتعالي
بيكون اجمل حاجة في الدنيا والاخرة

انا بتكلم عن تجربتي طبعا
ربنا يصبرك لانه فعلا صعب
بس حاولي تشتكي لله

وبلاش الاسود والاسم الحزين
شكلك بنوتة مرحة اوي وعسولة

حزينه يقول...

السلام عليكم
اهلا يامن

انا اصلا متغربين عن بعض
احنا مش نعرف مين احنا


حزينه

حزينه يقول...

اهلين جوجو
ويصبرك يا حبيبتى على فراق الاحبه
ويصبرنا على فراق انفسنا
نورتينى

حزينه

حزينه يقول...

اهلا اخت مسلمه
الاحلى كلامك واسمك الجميل
ربنا يزيدك من الايمان والهدى ويهدينا اجميعن
فعلا مش فى الا ربنا الوحيد اللى بيداوى
الصداقه حلوة بس الاحلى العلاقه بين العبد والله

ربنا يخيلكى انتى الاحلى

حزينه

Mony The Angel يقول...

bgad makontsh na2sa agy hna wa2ra kalam zay da now :s

rabbena ysam7ek

bas plz 7awly tb2y tekteby b alwan fat7a shwaia 3shan a3raf a2raha b shoola

msh hatb2a a5er mara agy hna..

حزينه يقول...

معلش لو كنت قلبت عليكى المواجع
سامحينى
حاضر ححاول اكتب بالوان فاتحه

نورتينى وحتنورينى لو جيتى تانى


حزينه

قضية عم أحمد Ahmed Case يقول...

لو افتكرتي معايا لما نزل جبريل من فوق سبع سنوات علشان يصحي النبى من النوم ويقوله الكلمتين دول علشان النبى يفهم ويفهمنا سر من اسرار الحياة
لو ادركناه هنتعايش بيه شويه علشان هي ديه الدنيا

يا محمد
عش ما شئت فانك ميت

واحبب من شئت فانه مفارقه

واعمل ما شئت فانك مجزي به

.... الحديث

حزينه أوعي حاجه تخليكي حزينه وانت كل النعم ديه انتي فيها

انت مش حسه بنعمة كل اللى حواليكي دول بيسالو عليكي وهما ما يعرفوكيش


ربنا يصبرنا على فراق من نحب

حزينه يقول...

فى فراق اسمه الموت
بس فى فراق تانى بردة بيوجع اوى
ان اللى انت بتحبهم قدام عنيك
بس هما مش بيحبوك
تبقى محتجله اوى
وهما انت مش فارق معاهم اصلا
ناس بيبقوا عايشين معاك فى بيت واحد
ومش شايفينك اصلا
يبقى ليا حق ازعل ولا لا يا احمد

حزينه

blue-wave يقول...

بالفعل ما اصعب الفراق
اد ايه بيكسر القلب ويوجعه
لكن بيصبرنا
ان اكيد فيه عودة
وفيه لقاء تانى مادمنا عايشين
تقبلى تحياتى

حزينه يقول...

اهلا بلو
اه الفراق بيوجع اوى وبيكسر كمان
بس فى ناس مش ينفع ابدا ابدا يعوضونا عن اللى راحول....

حزينه

Mohamed Hesham Safa يقول...

" بنموت بجد ، ونعيش بجد ، والوقت ما بيبطلش عد " ... منقول

والسـ ختام ــلام

غير معرف يقول...

الفراق اكتر من نوع
بس اصعبهم لماتكونى قريبة من حد قوى وييجى اليوم تلاقى ان مستحيل انك تسلمى علية لو شفتية
وكانكم عمركم ماعرفتوا بعض
هنعمل اية ايام وبنعيشها بمرها ومرها ومرها

حزينه يقول...

محمد هشام
احنا زى ما احنا والوقت بيكبر
والدنيا بتصغر علينا اوى


حزينه

حزينه يقول...

بنوته مصريه
لما عنيكى تيجى فى عنيه
وفجاه تبعد العيون
بس القلب بيحن
بس مبقاش ينفع


حزينه